[b]استبيان حول المقرر[/b]

اولا يارب حضرتك تكون بخير
انا بتعجبنى طريقه حضرتك فى المحاضره بتسهل علينا كتير بصراحه لان مفيش وقت نفتح الكتاب كل يوم فحضرتك بتعوضنا
بس فى حاجه صغننه بجد ان احيانا بيكون حد بيسال حضرتك وحضرتك تناقشه وتقول الجواب بس عن طريق ربطه بسؤال تانى فى محاضره تانيه فى النهايه انا مش بقدر اوصل للاجابه النهائيه .
ممكن حضرتك تخلينا فى المحاضره نكتب اهم نقاط المنهج.ولو فى ياريت بطاقات بالانجليزى كمثال يعنى عشان لو جات فى العملى او النظرى نكون شفناها يعنى.
وفى الاخر ربنا يخليك لينا ويقدرنا ع بقيه المواد

بسم الله الرحمن الرحيم
أ أولا:-بشكر الدكتور أيمن على فكرة المنتدى لأنها خلتنى أكون دايما فى تواصل مع زملائى ومع حضرتك وأعتقد أن زملائى قالوا كل الكلام اللى ممكن يتقال ومع ذلك أنا عمرى ما سمعت عن أى دكتور فى أى جامعة انه بيأدى دوره ووظيفته بإتقان زى حضرتك ومعتقدش إنى هقابل أو أتعلم من أى دكتور زى حضرتك وأتمنى إن حضرتك تكمل على كده وفكرتنا دى متتغيرش .
أأعتقد إن من حق حضرتك إنك تسمع وتقرأ الكلام ده منى ومن زملائى.
وأخيرا أدعو لك الله أن يوفقك فى حياتك ويجعلك مصدر علم لكافة الناس.

بسم الله الرحمن الرحيم
اولا شكرا يادكتور على تواصلك ومجهوداتك وعلى فكره ماكنتش اعتقد ان ممكن يكون دكتور في اي كليه يتيح المناقشه ويكون بالبساطه دي يمكن ده بسبب كلام كتير سمعناه بس حضرتك غيرت الفكره دي وصدقني انا مش ببالغ وخير الختام الدعاء لك ولزملائي ولي بالتوفيق في جميع نواحي الحياه

ااولا يا دكتورايمن يارب تكون بخير وبصحة عشان تفضل معانا السنين الجاية ان شاء الله لان المحاضرة الوحيدة اللي بنستريحلها نفسيا هي محاضرة الفهرسة الوصفية ودة طبعا بفضل حضرتك الوقت بتاع المحاضرة بيخلص بسرعة اوي وبنبقى عايزين وقت زيادة لان احنا ما بنكنش زهقانين زي بقيت المحاضرات بيبقى عندنا استعداد نفهم المحاضرة وبصراحة ربنا يعني اول محاضرو انا كنت خايفة من حضرتك اوي وكنت مرعوبة لكن بعد كدة لقيت شكل المحاضرة جميل جدا معظمنا بيشارك فيها وحضرتك مش بتقعد تقرا من الكتاب وخلاص مثل بعض الدكاترة لاة بتفهمنا ببساطة شديدة وجميل جدا التواصل بينا وبين حضرتك من خلال المحاضرة او المنتدى واي طالب او طالبة بيحتاج حاجة حضرتك بتسمعلو انا كنت بشارك مع حضرتك في الجزء النظري كتيييير وكنت كل مرة اجي محضرة للمحاضرة وكنت ببقى مبسوطة لما اقوم اجاوب وتقولي الله يفتح عليكي لحد ما حضرتك بدات تشرح العملي انا الصراحة حسيت اني ماخدتش ولا سيكشن الكلام والتفاصيل لاول مرة بفهمها واسمعها ملحوظة انا مع استاذ محمد عصام مع اننا بنفضل في السيكشن الاربع ساعات لكن الصراحة مش كل حاجة بقدر افهمها اللي كان مضايقني ان انا ما كنتش بعرف اقوم اجاوب في المحاضرة في الاسئلة اللي حضرتك كنت بتطرحها المهم انا فرحانة ان انا قدرت اني اقول الكلام دة لحضرتك ولو سمحت يا دكتور ايمن تحددلنا المقرر لان في اجزاء في الكتاب في النظري مش واخدنها كلها وشكرا جدا يا دكتور انا على فكرة اسمي هدير سيف