[b]استبيان حول المقرر[/b]

والله يا دكتور ايمن فى محاضره حضرتك احنا بنحس ان احنا واحد بنتكلم فى المحاضره مع حضرتك نفهم كل كبيره وصغيره فى المنهج

والله حضرتك بتتعامل معانا بتواضع اكتر من بعض مدرسين الثانوى اللى كنا عندهم

وجعل الله هذا فى ميزان حسناتك

والله يادكتور انا اول محاضرة اخدتها من حضرتك حسيت ان انا فرحانة جدا لانى حسيت انى فاهمة اوى مع انى سالت الطلبة اللى كانوا قبل منى على المادة دى قالولى عنها انها صعبة قوى وانا كنت داخلة خايفة من المادة دى اصلا وبعدين لما حضرتك ادتنا اول محاضرة حسيت ان انا اطمنت شوية وارتحت للمادة دى اوى وحسيت ان المادة دى للفاهمييييييييييين فقط
وقلت دى حاجة كويسة انى اكون ضامنة مادة صعبةاجيب فيها امتياز وكنت كمان فاهمة من السكاشن وكنت بحضّر لحضرتك على طول لحد ما ابتديت احس اللى انا باخده فى السيكشن يختلف شوية عن اللى حضرتك بتدهولنا فى المحاضرة دى انا خرجت زعلانة قوى وبعدين كمان فى المحاضرة دى انا ما كنتش بتجاوب مع حضرتك وحضرتك قولتلى فى المحاضرة دى انتى نمتى يارنا ولا ايه ودة اللى زعلنى اكتر مش من حضرتك من نفسى لان انا ماكنتش عارفة هو العيب فيا ولا فى مين وبعدين قلت ممكن يكون انا حاسة بكدة عشان اكيد فى اختلاف بين طريقة الشرح بتاعة حضرتك وبين طريقة شرح معيد السيكشن وهو دة اللى عمللى اللخبطة دى وحسيت ان انا توهت فى المادة بعد ما كنت ماشية فيها كويس

بس بجد والله يادكتور حضرتك متواضع معانا جدااااااااا و انا بحس ان حضرتك بتعاملنا زى اخواتك الصغيرين مش مجرد طلبة عند حضرتك وجزاك الله عنا كل خير

وبالنسبة للشرح فى السكاشن هى صراحةالمعيد اللى بيدينا بيبسطهالنا بردة زى ما حضرتك بتبسطهالنا وبيفهمنا كويس قوى

وفى حاجةكمان عايزة اقول لحضرتك عليها انا عارفة انى طولت الكلام على حضرتك بس معلش دى اخر حاجة

هى حاجة انا شايفاها مش حلوة قد كدة هى ان مثلا لو فى حد قام وقال اجابة غلط حضرتك ساعات بتعد تتريأ عليه
اولا: كدة حضرتك بتحرجه قدامنا انا مع حضرتك انها ممكن تكون وسيلة فى العقاب لانه معرفش يجاوب الاجابة صح بس كدة حضرتك هتخليه مايقومش يجاوب معانا تانى ويشترك فى الاجابة
ويمكن هودة اللى بيخللى بنات كتير بيبقوا قاعدين فى المحاضرة عارفين اجابة السؤال اللى حضرتك بتقوله بس خايفين يقوموا يقولوا الاجابة تتطلع غلط وحضرتك تقوللهم حاجة عشان كدة بيخليهم قاعدين احسن فياريت حضرتك تقوّم النقطة دى

بس بجد والله يادكتور انا عاجبانى جدااااااااااا طريقة حضرتك فى تفعيل المحاضرة وتنشيطها لانها بجد والله ما ببالغ ولا بجامل هى دى المحاضرة الوحيدة اللى انا باستناها من الاسبوع للاسبوع لان انا حابة المادة وفيه مثل بيقول حب المادة تحبك لان المادة دى فيها تشغيل دماغ
وانا اسفة يادكتور انا عارفة انى طوّلت على حضرتك اوى
وشكرا على حسن استماع حضرتك

بعد ازن حضرتك يا دكتور عاوزين نبقا بعد ازن حضرتك طبعا نقعد فى محاضره كده نفتح الكتاب كلنا ونخطط على المواضيع الرئيسيه التى يندرج تحتها باقى نقاط المنهج نلخص فى الكتاب

بالنسبة لى انا شايفة ان حضرتك بتراعى ربنا فينا وخاصة احنا لسه فى البداية وطريقة شرح حضرتك بسيطة جدا

سهل لاى واحد انه يفهم و طريقة الديمقراطية لا الاحظها الا داخل محضرة حضرتك.

امابالنسبة للسكشن فاستاذ محمد عصام بيشرح ويحاول يفهمنا على قد مايقدر

لكن فكرة شرح العملى فى المحاضرة وفرت علينا حاجات كتير

يا جماعه الدكتور ايمن قايم معانا بمجهود فظيع فالف كلمه شكر اقل من انها تكون هديه ليه احنا هنقوله

(لا اله الا الله) تصونه وتحميه ويارب يفوقه لما يحبه و يرضاه

الله سبحانه وتعالى أمرنا بإتقان العمل وحضرتك بتجتهد فى تنفيذ أمر الله وحضرتك بتوفيق الله نجحت فى تنفيذهذا اللأمر ولك منا كل التقدير والإحترام
اوالله يا دكتور المعيد إل بيدينا متواضع جدا ومحترم وبيتقن عمله وبنفهم منه على طول
وكل ده هو متعلمه من حضرتك

اولا: بسم الله الرحمن الرحيم
بجد انا مش عارفه اقول ايه ؟!!!!!!!!!!!!!!!!!!!بس احب اقدم للدكتور ايمن كل الاحترام والتقدير على المجهود اللى بيعمله معانا
انا بحبك فى الله كتير يا دكتور ايمن مش عايزه اكرر الكلام تانى اللى اصحابى قالوه
ان حضرتك متواضع معانا جدا بس بجد الصفة دى لقيتها فى كل الدكاترة اللى بيدرسوا لنا
طريقة شرح حضرتك جميلة جداااااااااااااااا .
ممكن اطلب من حضرتك حاجة ؟؟!!!!!!!!!!!!!!!!!!!!!
ياريت حضرتك ما تذمش كتير فى المعيدين لانهم بجد بيتعبوا معانا واكيد بيبذلوا جهد وعن نفسى انا حضرت سكاشن مع الدكتور وليد والدكتور محمد عصامى بجد الاتنين حلوين
ياريت حضرتك تبين لنا فى المحاضرة الامتحان هايكون شكله ازاى وجزاك الله عنا كل خير

اولا يا د\ ايمن احب اسلم علي حضرتك ويا رب تكون بخير .

رايي في طريقة التدريس داخل المحاضره يمكن يكون مختلف شويه عن اراء زملائي لاني في اول محاضره مع حضرتك كنت فاهمه الماده جدا وحسيت انها ماده ممتعه ودا اكيد من طريقة شرحك لان حضرتك فعلا بتعرف توصل المعلومه صح وكامله (فهرسه باه) واكبر دليل علي كده اني شاركت مع حضرتك في المحاضره وانا من طبعتي خجوله وبخاف اتحرج لكن في المحاضرات الي بعد كده لاحظت ان حضرتك مبتتفعلش الا مع مجموعه معينه يمكن يكونوا الي بيشاركو من اول السنه او المجموعه الي قدام مش عارفه لغيت ماحضرتك حفظت المجموعه الي قدام وهما الي بقو بيشاركو في المحاضره .

اما بالنسه للعمل داخل السكاشن وبالنسبه للاستاذ وليد عرفه فهوا ممتاز ويمكن احنا متلغبطين شويه علشان في حاجات في السيكشن مختلفه عن المحاضره بس طبعا المحاضره هيا الاساس.

يا رب مكنش طولت علي حضرتك يا دكتور بس فعلا انا مبسوطه جدا علشان عرفت اوصل لحضرتك الكلام ده وعلي فكره انا ريم.

[السلام عليكم ورحمه الله وبركاته اولا ازيك يا دكتور انا بجد مبسوطه جداااااااااااااااااا ان حضرتك اللى بتدينا الماده دى لان حضرتك كده هتاسسنا فيها كويس ودى حاجه مطمنانه من الكليه والله بصراحه ان كنت داخله مستصعبه القسم بتاعنا اوى وبصراحه ومازلت فى بعض الموا بس والله العظيم بجد حضرتك بتشرح كويس جدااااااااااااااااا واحنا بنحس ان حضرتك مش بتشرح فى جامعه والله انا بحس ان حضرتك بتشرح لكل طالب لوحده كانه درس خصوصى مع اننا عددنا كبير طبعا عن الدروس الخصوصيه بس حضرتك وصلتلنا هذا الشعور ودى حاجه كويسه جداااااااااااااااااااا وبجد احنا بنحس مع حضرتك براحه فى الكلام وانا مش بحب اشارك مع اى دكتور بس مع حضرتك بحب اشارك جداااااااااااا وفعلا بستناه محاضرتك وبذاكرلها ودى طبعا حاجه نادره انها تحصل فى اى محاضرات تانيه وفعلا بنعد الساعتين مش بنحس بيهم خااااااااااااااالص ومش بنبقى عايزين المحاضره تخلص لاننا بجد بنبقى مستمتعين فيها وبالنسبه لشخصيه حضرتك حضرتك شخصيه محترمه جداااااااااااااااا ومتواضعه ونبيله ونادره والله الايام دى واحنا بجد بنشكر ربنا ان حضرتك اللى بتدينا علشان بجد مكنشى ينفع ان حد يدرس الماده دى غير شخص فيه مواصفات حضرتك لانها عايزه شخص فاهم اوى بجد هو بيعمل ايه مش حافظ وبالنسبه لاستاذ السيكشن انا مع ا/محمد عصام هو الحمد الله تمام وشرحه كويس وبنفهم بس مش بيدقق اوى فى الشرح بيشرح الخارجى بس ممكن ده بس اللى نقدر نقوله بس بيعمل معانا مجهود برده والله يشكر برده بصراحه وفى نهايه انا اسفه انى طولت على حضرتك بس بجد بنيابه عن جميع طلبه الدفعه اللى مش سجلوا حتى معانا احنا بنشكر حضرتك جداااااااااااااااااااااااا وبنشكر ربنا اولا على حضرتك وشكرا والسلام عليكم ورحمه الله وبركاته

الدكتور أيمن بيتفاعل مع الطلبه إل بيرفعوا إيديها ومبيفرقش ومش بيفضل ناس على ناس ومش بيتعامل مع طلبه معينه على حساب الأخرين

بجد الف شكر يا د/ايمن على فكرة المنتدى لانها سهلت حاجات كتير جدا علينا وخصوصا حرية الرأى سهلت على طلبة كتير اعطاء رأيهم فى حاجات كتير جدا بكل شجاعة وحرية دون الشعور بالخوف وكمان سهلنا هذا المنتدى التواصل مع بعضنا البعض وتبادل المعلومات فبارك الله في حضرتك يادكتور ايمن وجذاك الله خيرا وشكرا.

السلام عليكم ورحمة الله
كل عام وحضرتك وجميع زملائى الى الرحمن أقرب
وعلى طريق الخير أدوم
وبعد
أحب أسجل رأيى فى المحاضرة
بالنسبة لحضرتك : الشرح فى المحاضرة فوق الممتاز وأنا بتمنى أن كل الدكاترة يتبعوا نفس الطريقة فى الشرح وأسلوب حضرتك فى المحاضرة بيخلينا كلنا مركزين
وجزاك الله عنا كل خير
أما بالنسبة للسكشن الأستاذمحمد عصام بيشرح فعلا بس مش بيركز لينا على الشواذ
وكلنا بنعتمد على أن حضرتك بتعيد العملى تانى فى المحاضرة
وجزاك الله عنا كل خير

اولا حضرتك مثال لاى شخص يتعامل مع حضرتك وتكون بالنسبه ليه قدوه فى اتقان العمل بصراحه انا كنت مستصعبه الماده بس فضلت يومين ازاكرها كويس وكراسه التدريبات جاءت فى وقتها الصح انا كنت بزاكر البيان واحله منها الى ان اتقنت الحمد لله فهمها وحفظها وبعد كده حليت النمازج الموجوده فى اخر الكتاب

الكتاب كويس جدا فيه كل حاجه حضرتك قولتها وافى جداااااااا فى شرحه انا بجد بشكر حضرتك ع كل المجهودات دى وان لقدر الله حد لم يتوفق فى هذه الماده خاصه وجميع المواد عامه يكون التقصير منه لان بجد الدكاتره كلهم بيعملوا اللى عليهم وربنا يجازيهم ويجعله فى ميزان حسناتهم ان شاء الله

ا انا بدعى ربنا انه يوفقك فى حياتك العمليه والعلميه لانك شخصيه مبهره فى حب عملك واخلاصك اليه والى الامام دائما يادكتور وبجد انا انال عظيم الشرف انك تقرا وجهه نظرى

السلام عليكم ورحمه الله وبركاته

انا ليا الشرف ان يدرس ليا فى كليه التربيه النوعيه مثل الدكتور ايمن الفخرانى........... واتمنى ان تقرا ردى وبجد انت الدكتور الوحيد اللى حببتنى فى الماده بسبب سهوله طريقتك فى الشرح وتوصيل المعلومه للطالب باسهل واجمل الطرق................واحب اشكرك على المجهود الاكثر من رائع الذى تعمله معانا........واتمنالك التوفيق ولك منى جزيل الشكر والاحترام والتقدير.........

بجد مش عارف اشكر حضرتك ازاى واكتر حاجة عجبانى فى المحاضرة اسلوب الحوار والنقاش بين حضرتك و الزملاء وانا نفسى يكون ذلك فى جميع المراحل التعليمية حتى يتحقق التواصل بين الطلبة و المعلم وحضرتك مثل يحتذى بة وشكرا

السلام عليكم
وسلام خصوصي لدكتور ايمن
طريقه حضرتك في الشرح جميله جدا ودي مش مجمله والله بس في حاجه انا الصراحه مكنتش بذاكر خالص اي ماده ولما بدات اذاكر الفهرسه خصوصا حسيت ان هي صعبه جدا وان انا حشيلها السنه دي وفي حاجات كتيره مخدنهاش مع استاذ وليد وحضرتك قلتها وكمان اصحابي اللي مع استاذ محمد عصام خدوها ولما قولت لاستاذ وليد كده قال انا ملتزم باللي اتفقت عليه مع دكتور ايمن وكراسه العملي تقريبا تات تربعها مش عارفه احله وبجد انا خايفه موووووووووووووت من الماده دي بذات وشكرا يادكتور ان حضرتك سمحتلنا بالكلام ربنا يجزي حضرتك بكل خير

[b] احب اشكر حضرتك على مجهوداتك معانا وطريقة التدريس الجيده.
وبالنسبه لاسلوب العمل داخل المحاضره فهو اسلوب مناسب لنا كطلبة جامعه وذلك يظهر عند اعطائنا الفرصه للقول بارائنا اثناء المحاضره.

وهذا الاسلوب هو المتبع داخل السكشن مع الاستاذ وليد فهو يتبع العديد من الطرق لتوصيل المعلومه الغامضه.


وفى النهايه احب ان اشكر حضرتك على اتاحة الفرصه للتحدث معك من خلال هذا المنتدى.

أنا بشكر حضرتك جدا على الشرح فى المحاضره أنا معتمده على الحاجات اللى أخدتها مع حضرتك
بالنسبه للعملى .أما بالنسبه للسكشن فالاستاذ محمد عصام بيشرح لكككككن بيكون بيشرح حاجه وتلاقيه بيكلم فى حاجه تانيه خالص فبيشتت التفكير وكلامه يختلف عن حضرتك تماما وفى حاجات كتير خدناها مع حضرتك مخدنهاش معاه وياريت الامتحان يكون من اللى حضرتك بتدهولنا بس.وشكراااا

انا بشكر حضرتك جدا يا دكتور \ايمن لان حضرتك بتتيح لنا الفرصة ان نعبر عن رأينا ونكتب كل ما نريد من اسئلة عن مادة الفهرسة وانا بشكر حضرتك لان حضرتك بتشرح بطريقة جميلة بجد والله بفهم من حضرتك جدا وكمان حضرتك بتجعلنا نشارك فى المحاضرة ونتناقش وهذه من اهم العوامل التى تؤدى الى ثبات المعلومة عند الطلاب وهى طريقة النقاش

بسم الله الرحمن الرحيم

بصراحه يا دكتور ربنا يخليك على المجهود الى حضرتك بتعمله معانا وطريقة التدريس طريقة مثاليه لانها بتعلمنا نعتمد على نفسينا ونجرى ونبحث على المعلومة فى كل مكان .........

اولا كل سنه وحضرتك طيب انا مش هقول حاجه جديده لان كل زملائي قالوا اللي انا كنت هقوله بس حضرتك بجد انسان محترم جدا وبتراعي ربنا فينا وان شاء الله ربنا يجازيك ع ده خيروبجدانا ايما بحرص ع حضور محاضرة حضرتك لانها مفيده ولذيذه جدا ومش ممله ابدا بل بالعكس خالص الوقت مش بيكفينا وبحس ان حضتك اثناء المحاضره كأخ كبيرلينا خايف علي مصلحتنا وربنا يخليك ياكتور .

طبعا ليه وللطلبه عظيم الشرف ان حضرتك تدرس لنا.....
يا دكتور حضرتك ليك مستقبل باهر طالما حضرتك بتراعى الطلبه باجابه الاسئله الغير مفهومه
بس اسمحلي اقول لحضرتك حاجه من المهم اننا نعرف تقيمك لنفسك
ومش معنى كده ان انا مش راضى عن اسلوب المحاضره او خلافه ..لا,,بل عجبنى جدا الاسلوب المتحضر بتاع حضرتك واسلوب النقاش والحوار المتبادل بينك وبين الطلبه......
ربنا يوفقك في عملك يا دكتور...