_ دى مجرد صديقه ....( يقولها لما مراته تعكوشه بيكلم واحده تانيه )
2_ بصراحه انتى تستاهلى واحد احسن منى...
بيقولها الولد ( وعنيه في الارض وبيبقي عايز يبان بصوره المضحى اللى ممكن يسيب حبيبته لواحد يقدر يسعدها احسن منه ) وده طبعا علشان يصعب عليها وتسامحه
3_ المشكله عندى مش عندك.... انا مش حابب فكره الجواز
( يقولها الولد وهو جواه عارف انه ممكن يروح يتجوز واحده تانيه بكره )
4_ اهلي ضاغطين عليا علشان يجوزونى بنت خالتى ....
( تخيلهى انك ممكن تسمعى الكلام ده سنه 2010 .. يعنى ممكن يكون لسه في ولاد ابوه بيضغط عليهم علشان يتجوزوا واحده هما مش عايزينها .. شباب كول يا مان )
وطبعا بيقولها لما يكون عايز يخلع منك
5_ خلينا صحاب احسن...
( دى برده لما يكون الواد عمل عامله وعايز يخلع من البت دى ... او شافلوا واحد تانيه )
6_ مش هاقدر اكمل معاكى لانى لاقيت الانسانه اللى كنت بادور عليها...
7_ انا مش قادر احبك زى مانتى بتحبينى اوى كده.....
8_ انا هاظلمك معايا لو قعدتك جنبى كده .. انا قدامى وقت كبير على اما اكون نفسي واعمل حاجه مهمه....
( دى كلها مواقف تدل على ان صحبك شافله شوفه تانيه )
9_ معلش اصل الشحن فصل...
10_ ماراديتش علشان كنت عند المدير...
11_ انا في الطريق بس الكوبرى واقف...
12_ ماكنتش قافل الموبيل بس كنت في حته مفيهاش شبكه...
13_ لا والله انا كلمتك امبارح بس موبايلك كان مقفول....
( طبعا دى مواقف معناها ان صاحبك زهق منك ومن كلامك وعايز ياخد break منك او كان بيلعب بديله )
14_ واحد يتصل بيكى ويقولك .. لو سمحتى انا لاقيت ميسد من الرقم ده امبارح..
( واحد عايز يتعرف )
15_ قافل موبايلك ليه ؟ كنت في عزا.. عزا مين ؟ عزا واحد صاحبي في الشغل ...
16_ مردتش علشان كان عندى مكالمه وانتى دخلتى في الويتينج فمسمعتكيش...
17_ ولما يحب يقفل معاكى فجأه وانتى كلمتيه من رقم غريب علشان مهوش راضي يرد عليكى يقولك... معلش اصل الشحن هيخلص ولو فصل هاتصل بيكي ... تيت تيت تيت
وطبعا لا الشحن فصل ولا هو هيتصل بيكى
18_ عقلك اكتر حاجه عجبانى فيكى ( غالبا بيقولها لواحده لابسه نظاره )
19_ يا حبيبتى اعملى اللى انتى عايزاه... وغالبا بيكون اللى هي عايزاه .. ( نفسه اللى هو عايزه )
20_ على فكره انتى اكتر واحده فهمتينى يا حبيبتى (وغالبا بيكون قصده انها اكتر واحده عرف يضحك عليها ويلعب بديله من وراها )
21_ لسه جميله زى اول يوم شوفتك فيه ( غالبا بيكون متبوع بكارثه هو عملها )
22_ عمرى ماهزاعلك في حياتى ...( بيستهبل )
23_ انا مستعد اتجوزك حالا .. قومى بينا نتجوز دلوقتى ( من الاخر كده دى عزومه مراكبيه )
عايزه تكشفيه ( قوليلوا يالا بينا .. هتعرفى انه كداب ) .. خلاص يا حبيبتى نأجلها انهارده
اصل شكلها هتمطر
24_ لما ببص في عنيكي مبقدرش اكدب عليكى.. ( غالبا بيكون الكلام اللى جاى بعد كده كله كدب في كدب )
25_ عندك اجمل عنين في الدنيا....( بيسرح بيكى )
26_ على فكره الاختلاف اللى بينا هوه اللى هيقربنا من بعض اكتر...(هههههههه)
27_ حتى لو عندك 80 سنه .. هتفضلى جميله .. وهافضل احبك
28_ اما تلاقيه مركز مع شاكيرا في التلفزيون ومش حاسس انك قاعده جنبه.. ولما تساليه في ايه يقولك: على فكره انا ميهمنيش شاكيرا ... المهم عندى جمال الروح
29_ عمرى ماحسيت الاحساس ده قبل كده ( بيقولوا لكل البنات )
30_ صدفه غريبه .. عايز اقولك ان انا كمان مبسمعش غير لفيروز ...
( وتلاقيه مش عارف فيروز ولا عمره سمع عنها اساسا ) يقولك فيروز بالجوافه
طبعا يا جماعة مش كلو بيعمل كده
الرئيسية 
