الراجل دة يبقى أبويا

أحب أعرفكم بأبويا اللي أنا باحبه جدآ

و زاد تلقي بيه في الفترة الأخيرة

أبويا اللي عنده دلوقتي 74 سنة

أبويا اللي لغاية دلوقتي أما باكون قاعد بأكل يفضل واقف و يقوللي

أجيبلك تشرب ... أزوّد لك الأكل ... أسخّنلك رغيف عيش

أبويا اللي من كتر ما باحبه ... بانخفض على الأرض لأقبل قدميه

و لكنه بيزعل لما باعمل كدة

أبويا اللي عنه إصرار إنه يتقشف و يزهد الدنيا علشان يحققلنا أنا و أخواتي السعادة

و من و أنا صغير قبل ما أدخل المدرسة عامللّي شقة و مجهزهالي علشان يجوزني فيها

أبويا اللي كل يوم لازم يحضّرلي الفطار الصبح أول ما أفتح عيني

أأبويا اللي دايمآ بيقوم بمشاوير البيت و إحضار مستلزماته ... و لو حد مننا أنا أو اخواتي

عمل حاجة بداله ... يزعل أويي و يقول .... انتوا فاكرينني كبرت و لا إيه

أبويا اللي لما قلتله مرة من سنين أنا عيز موبايل قاللي عايز كام قلتله ألف جنيه

قاللي خد..... و من شهرين قلتله عايز موبايل جديد قاللي بكام قلتله ألفين جنيه قاللي خد

أبويا اللي فعلآ لو فضلت طول عمري جالس أخدم تحت رجليه مش هاوفي ذرة من حقه

أبويا اللي حساس جدآ جدآ لدرجة إنه ما يقعدش ياكل الا بالليل على ما كل البيت يكون أكل

أبويا اللي الحمد لله رب العالمين رغم كبر سنه مواظب علي كل الصلوات في المسجد

حتي صلاة الفجر و في أشد الليالي برودة لازم ينزل يصلي جماعة

أبويا اللي كل اللي يعرفوه قالولي و أبكوني بقولهم

أبوك دة لو راح منك هاتبكي بدل الدموع دم

و أنا باحاول بفضل الله إني أكون غير مقصر نهائيآ في حقه

كنت أتنى أن كنت أولد قبل عمري هذا بسنين لكي أظل في خدمته

أكبر فترة ممكنة من عمره


أبويا اللي أنا لما باشوفه في المسجد أو في الشارع بابكي .... و الله العظيم

بابكي زي الأطفال من كتر حبي ليه

___________________________________________________________

أنا بس يا جماعة بافضفض معاكم

و باتوجه لكل زميل و زميلة .... اوعى تزعل أبوك أو أمك نهائيآ

الدنيا مش مستاهلة اننا نهتم بمشاكلها و أمورها التافهة


و اللي تخلينا نسيب الدنيا و البشر كلهم و نيجي نتخانق مع اتنين بس


أبونا و أمنا


جزاكم الله خيرآ على قراءة الموضوع

ربنا يخليلك ابوك يا امجد

[يارب آآآآآآآآمييييييييييييييييييييين[/color]

مرسى جدا على الموضوع
وإن شاء الله أحاول مزعلش بابا وماما

بجد با امجد انت كلامك دة اثر فيا اوى لدرجةانى عيطت

مع انى معرفش والدك بس بجد انا حبيته زى ما يكون ابويا واكتر والله دة هدية وجوهرة ما بعوتالك من

السما ياريت تحافظ عليها وانا بادعيله من كل قلبى ان ربنا يطول فى عمره كمان و كمان و يجعل مثواه ومثوانا الجنة ان شاء الله

وميرسى ليك على الموضوع دة

ربنا يخلىهولك يا امجد.......ويشوفك عريس.......ياااااااااااااااااااااااارب....انت انسان محترم

من ايام كنت صحيت الفجر متأخر قرب الشروق

و قمت بسرعة باتوضا

و بعد ما خلصت

لقيت ابويا واقف في الصالة و جلابيته عليها مية زي ما يكون متوضي

قلتله : لسة ما صليتش ؟

قاللي : قاللي لآ انا صليت في المسجد عادي

بس أنا عارف انك بتزعل لما الجماعة بتفوتك

فلما لقيتك صحيت و بتتوضأ .. نزلت اتوضأ تاني بسرعة في الدور اللي تحت

علشان أصلي معاك جماعة تاني

______________

يجعلني أصمت و لا أستطيع الكلام

بجد موضوع مؤثر جداااااا.......وزي ما رنا قالت والله حيته من غير مااعرفه....ربنا يخليهولك ويطولك في عمره ياامجد.ان شاء الله...وجزاك الله خيراااا ع هذا الموضوع..........

ربنا يخليلك باباك يا أمجد وبجد انت من الشخصيات المحترمة جدا واللة

جزاكم الله خيرآ جميعآ على ردودكم


و ادعوا ربنا - سبحانه و تعالى - ينفع بيا أبويا و أمي

و يجعلني خادمهما ... تحت قدميهما

أبدآ ما أحياهما



على فكرة أنا كنت كاتب لأمي في أولى ثانوي شعر بيبتدي بـــ


آسف أمي لو ظلمتك يومآ....... و الله ما أدرِ كيف فعلت


و كنت عامل لأبويا صورة و مكبرها على حجم وجهه فقط

و كتبت عليها ( سامحنا يابا عاللي عملناهولك )

خليت اخواتي هيعيطوا





أنا كتبت الموضوع دة و ذكرت المواقف دي لأن فعلآ

أنا حبيت اني أذكر الجانب الحسن لأبي و أتمنى

أن يكون ذكري لما فعل من خير في ميزان حسناته



أسألكم الدعاء له و أمي بحسن الخاتمة

و لنا جميعآ ان شاء الله



أشكركم شكرآ جزيلآ مرة أخرى

و أسألكم تقبل فائق الاحترام

علمتهم

كبرتهم

وصلتهم بر الأمان


نمت و صحيت


بصيت لقيت




نفسي بين أربع حيطان





للأسف الدنيا بتاخدنأ أوي من أبونا و أمنا



لدرجة اني ساعات بالليل بالاقي أمي بتعيط

أقوم جري أقوللها مالك يامّا.... تقوللي مفيش


مالك ياما ..... تقوللي : فرحانة بس يا حبيبي انك جانبي







لذلك أحب أعلل سبب عدم جلوسي في الكلية بلا جدوى


إني باجي عالمعاد و أخلص و اروح جري على بلدنا

علشان يادوب على ما باخلص مسؤوليات البيت

اللي شايلها لوحدي باعتباري الصغير

ما بيتبقاش وقت لأمي أو أبويا إلا القليل











أرجو من كل منا من له أحد أبواه أو كلاهما

إنه يحاول يشبع منه ... و الله أعلم

ممكن في لحظة ..... يختفي من قدامك

و ترجع تبكي و تقول يا ريـــــــــــــــــــــــــــــــــــــــــــــــتني






أرجو من كل واحد فينا يحاول يقبل قدم أمه و أبوه لمرة واحدة فقط

خد وقتك .... و ادخر طاقتك ... و جمع كل قواك لتخرجها

دفعة واحدة و تتغلب على الحياء الذي يمنعك عن هذا




خدهم على غفلة و وطّي بوس رجله


و قول لهم أنا آسف على أي حاجة وحشة عملتهالكم


أنا عملت كدة و بدون مناسبة ... كدة خبط لزق

لأبويا و أمي


___________________________________________

أعذروني يا جماعة لما باجي أتكلم

و بأقول أنا باعمل كذا أنا أنا ..... انا

ما بيبقاش قصدي إني أتكلم عن نفسي أو أرائي

و لكن حينها أوفر على سيادتكم سؤال لا تستطيعون توجيهه إلي و هو

( يعني أنت نفسك بتعمل كدة ؟!!!!!!!!)





أعذروني على الإطالة










و أتمنى إني أقدر أصطحب أبويا مرة للكلية عندنا

أجيبه إن شاء الله بالعربية لحد باب الكلية

ربنا يبارك فيك يا امجد وبصراحه انت من ضمن الشخصيات المحترمه جدا جدا جدا اللى قابلتهم مش فى الكليه فى حياتى كله وباذن الله انا ناوى انزل عندكم قريب واشوف باباك واقعد معاه ان شاء الله

ربنا يكرمك يا محمد


و ظنك بيا دة تاج على رأسي

أفخر به... لأن ربنا يعلم .. أنا باحبك قد إيه

و باقول عنك إيه لأصحابي هنا في بلدنا

فعلا انا مش عارفاك غير من المنتدى بس بجد اسلوبك وطريقتك بيدل انك شخصية محترمة فعلا

ربنا يخليلك باباك يارب ويحفظهولك ويرضيك على اد ما بتعامله وبتحترمه وهو فعلا يستاهل كده

جزاك الله كل خير يا امجد وربنا يكرمك ويخليك لك والدك وانت من الشخصيات اللي بحترمها جدا وبقدرها جدا

الله يكرمك يا امجد والله انا بحبك فى الله

جزاكم الله كل خير

و أنا و الله العظيم أحبكم كلكم في الله

و أتمنى دايمآ نفضل قريبين من بعض

و أتمنى أن تقبلوا ما اذكره في هذا الموضوع

دون أن تشعروا مني بثرثرة أو غرور

أو ( خلاص يا عم امجد موضوع و انتهى .. انت هاتفضل فاتحه كتير )

أنا بس حبيت أعمل موضوع زي دة أكتب فيه

الحاجات الحلوة اللي انا شايفها في أبويا

و أتمنى أن يكون ذكري له بالحسن من عمله في ميزان حسناته

إن شاء الله

أبويا اليومين اللي فاتوا كان تعبان شوية كدة

ادعوله

و رغم تعبه


لا يمكن أن ينسى السلحفاة

عندنا سلحفة من و احنا صغيرين

أبويا متكفل بإنه يحطلها اكل يوميآ أو أكثر من مرة في اليوم

على السطح .. و من الطريف

أنه رغم تعبه ما زال يصر على عادته في أنه يصعد لأكثر من مرة

و ينزل و معه الطعام

لماذا ؟

يقول : لقيتها نايمة مارضيتش أصحيها

بيقول : أنا دايمآ باخش أتسحب و أنا طالع عندها

علشان لو نايمة ما أقلقهاش



و بيتكلم بجد ... مش مثلآ بيضحك و هو بيقول كدة و لا حاجة

ربنا يخلوهولك ويشوف أحفاد أحفادك ان شاء الله

ادعوا لأبويا يا جماعة

لاحسن تعبان أوي اليومين دول

اسألوا الله أن يشفيه و يعافيه و أن يرزقه حسن الخاتمة


و لكم جزيل الشكر

ربنا يكرمك يا امجد انت فعلا اثرت فيه وفعلا المواقف الى انت حكتهلنا بتحصل معانا كتير ربنا يخليهولك ويطولك فى عمره يارب انا فعلا ياامجد حبيت بباك حتى من غير ما اعرفه وفكرنى بابويا كتير اوى
وياريت يا جماعة زى ماقال امجد ياريت قبل مانزعل ببانا وامنا نفكر ميت مرة علشان منندمش على كدة بعدين وااسف على الاطالة

ربنا يبارك فيك
وبجد موضوع جميل ومؤثر جدااااااااااااااااااااااااااااا
ويارب يخلى كل الابهات والامهات
ويجعلنا ممن يرضى عليهم اهلهم

جزاكم الله كل خير

الحمد لله رب العالمين

اتاخرت انا اوي في الرد - ههه

الحمد لله رب العالمين