الحلقة الاولى من كرسى الاعتراف (amgadjalal)

اسمك بالكامل ؟
أمجد جلال محمد الهادي محمد محرم

اللقب الى اصحابك بينادولك بية ؟
مجود - و في البيت ( مجودة )

اكتر لقب بتضايق لما حد بيقولهولك؟
ماجد - أبو المجد

اسم ارخم واحد قابلتو فى حياتك ؟
أحمد ( بس مش عطية و لا سلام و الله ههههه )

اسم ارخم صاحب ليك ؟
عبد الوهاب

اسم اجدع صاحب ليك؟
سعيد

اسم البنت الى بتحبها ؟
حاليآ صدقني انا لا أعيش حالة حب (جايز أكون عاملّه pause )

حبيت كام واحدة قبل كدة واساميهم ايه؟
كتير بس اللي كانت بجد بجد و طولت و احتمال تكون لا زالت ، واحدة بس ( ع )

الى بتحبها بتثق فيها قد ايه؟
ثقة من اي نوع

مين اكتر حد متاكد انو بيحبك؟
أكيد أمي و أبويا

مين اكتر حد متاكد انو مبيحبكش؟
أخويا ( بس مش أخويا اللي جيه معايا الكلية - ههه و لا اخويا الدكتور الكبير )

اسم اكتر دكتور مبتحبوش ؟
منعآ للغيبة و احترامآ لوظيفته و ليس له شخصيآ لن أذكر اسمه
و أكيد كل الأعضاء عارفينه

اسم اكتر دكتور بتحبة؟
د / أيمن الفخراني

اسم اكتر صديقة بتحبها ؟
ليس لي صديقات


اسم اكتر صديقة مبتحبهاش؟
هههه قولنا ليس لي صديقات

كلا مك كويس يا امجد نورت كرسي الاعتراف

ملقش صديقات ليه؟؟؟ وبصراحة أوك و هو إنت ع طول كده زمان خجول يعني؟

أولآ / ربنا يكرمك أختي سارة و الموضوع نور بحضرتك و تشرفنا و الله

و لو عايزة تسألي اسالي و بدون احراج

ههه

ثانيآ / أختي بسمة منورة الموضوع مع أختنا سارة ههه و ربنا يباركلكم

و إجابة على سؤال سيادتكم

إيه إجابتك

و إجابتة على سؤال سيادتكم



مليش صديقات ليه !!

إجابة طويلة و أتمنى تلافيها ، و أنا من زمان و طول حياتي الحمد لله رب العالمين محترم جدآ

بس مش خام .... انا معرّض هههه

يعني انا مش خام و ناشف و أبيض يا ورد و لا حاجة


لالا -- أنا سبقت لي تجربة أحسبها عنيفة
ليست مجرد صداقة فقط و لكن اكثر من ذلك

بس بصراحة ال بشوفه ف الكلية إنك محترم و الحمد لله بس ف نظري خام

هاهاهاهاها

دة أنا بس اللي سبكت الدور عليكم

نياهاهاها ( ضحكة شريرة متقطعة )

حسيت يا امجد قبل كده انك ندل؟؟؟؟؟

هههه

لا - أبدآ

و دة لأني فعلآ باموّت نفسي علشان واحد تربطه بي أية علاقة قوية أو ضعيفة



و إن حدث هذا فقد حدث حين يمن عليّ بارئي بنعمة الهدى ثم إذا بي أضل




بس سؤال متميز

انا هاسالك سؤال ياحبي

انت ايه رايك فى كليتنا صبيان وبنات ودكاترة وايه رايك لما يكون واحد قاعد مع بنت على طول او العكس

(ماحدش ياخد الكلام على نفسه انا بالله ما اقصد حد بس امجد كلامه بيعجبني وبقتنع بيه وعلشان كدة بساله)

أكتر بنت أو ولد بستحكره ف الكلية
إسمه أو أول حرفين في أساميهم

هههه

صباح الليل عليكم

بالنسبة لكريم حبيبي

و إجابة على سؤاله ، أنا فعلآ و الله بابقى متضايق جدآ في الوضع دة في الكلية

و أغار على كل بنت واقفة مع واحد لآني أقسم بالله أعتبرها اختي

و قد برز ذلك الأمر حين جاء مَن جاء من خارج الكلية مخصوص إلى كليتنا لذلك

و قد تفضل أحد أعضاء الكلية مشكور بتقديم ذلك و المعاونة فيه

ربنا يعلم انا يوم الموقف دة كنت متضايق قد إيه و انت يا كريم عارف

و الله كنت فعلآ هاكلمه و احرجه و لكن احترامآ لأختي في الكلية و اللي

هو فرض نفسه عليها - لم أفعل شيئ ، و في الأول و في الآخر عارفين لو حد اتدخل في أمور زي دي هيبقى غلطان ( ليه ) علشان الشباب و البنات دول مش صغيرين و عارفين مصلحتهم كويس ، و لكن مش كل واحد بيبقى شايف كل حاجة

أعتذر اعتذارآ شديدآ على كلامي و أتمنى أن ينال قبول سيادتكم

إجابة على أختي بسمة :

ههه بالنسبة للولاد هم اتنين في الكلية اللي احتكيت بيهم و اتمنيت ماكانش دة يحصل لنهم فعلآ مش رجالة

و دة ظهر في مواقف كتيـــــــــــر و متكررة

و على سبيل المثال : الراجل اللي بدل ما كان ييجي يسلم علينا آخر يوم امتحانات ، جاء و تفضل مشكور باستعراض خفة دمه أمام فتيات الكلية ليضرب زمايله الرجالة على قفاهم بالدّور

و كفى غيبة


سبحانك اللهم و بحمدك
أشهد أن لا إله إلا انت
أستغفرك و أتوب إليك

أنا متأسف إني قومت امبارح االساعة 2 بالليل و انتوا قاعدين

بس والدتي كانت عايزاني و الله -اضطريت أسيب النت و أقـــوم

كلامك جميل يا امجد ممكن اسالك سؤال
انت شايف ان لبس البنت بيدل علي شخصيتها ولا مش شرط؟؟؟

جزاكم الله كل خير

رأيكم فيا شهادة تقدير أعتز بها

و إجابة على سؤال سيادتكم :
لبس البنت بيدل على شخصيتها في حالات كتير
و لكن في البعض الآخر و أحسبه أنه يحمل نسبة الأغلبية
أن أغلبية البنات ( و كذلك الشباب ) يحبون أن يسايرون ما يجري حولهن حتى يكنّ طبيعيات
فيلبسن ما قد لا يعكس شخصياتهن بتاتآ و لكن ( البس اللي يعجب الناس )
و هذا كما هو الحال عند الشباب ، أنا مضطر ألبس جينز و مش عارف ايه و انا جاي الكلية
مع اني باتخنق منه جدآ و لكنه تصنع لكي أرضي الذوق العام و ليس ذوقي الشخصي
إذآ فخلاصة القول أن اللبس قد يعكس و قد لا يعكس شخصية البنت


ههههههه-- شكرآ عالإطالة

و جزاكم الله خيرآ

عايز أسئلة كتيـــــــــــــــــــــر يا جماعة -- و أتمنى يكون
الموضوع دة و الأسئلة دي فرصة تعمق معرفتنا بطبيعة تفكير كل منا

و شكرآ

اجابه كويسه وشايفه ان وجه نظرك قريبه من وجهه نظري
طب لو قدامك انك تختار بين (الصحه - المال - راحه البال ) ولازم تختار اتنين منهم تختار ايه ؟؟؟؟

تقارب وجهات النظر دة شرف ليا


أما إجابة على السؤال :

فأكيد هاختار الصحة و راحة البال

أما المال فأقسم بالله أنه لا قيمة له مقارنة بباقي أنعم الله

و لو قدامي أختار واحدة بس هاختار الصحة

شكراااااااااا علي الاجابات سؤال كمان
تقول لمين روح كفايه جروح

ع فكرة أنا عكسكم تماما في حكاية اللبس دي أنا بلبس ال ع مزاجي مش مزاج الناس طب مأنا كذا واحدة قالتلي ع العباية موضة قديمة بس أنا بحب العبيان جدا فمبخدش برأي حد غير نفسي

أقول ( روح كفاية جروح ) لكل من يعترضني عاطفيآ


و بالنسبة لأختي بسمة : أنا برضه بابقى كدة في أغلب الأحيان ( زي ماكنت باجي الامتحانات بالمنطلون المشمع و الشترت اللي عالحبل - هههه )

و أنا قولت ان عادي فيه ناس لبسها بينعكس على شخصياتها و ناس لأ

احنا مقولناش بنلبس اللي علي مزاج الناس بنقول بحب نلبس علي الموضه يا بسمه
طيب يا امجد انت يهمك ماضي حبيبك اذا كان مرتبط قبلك او لاء؟؟
معلش يا امجد بزهقك من الاسئله انا بس بحي اعرف وجهات النظر وكل شخص بكلم معاه بتعلم منه حاجه جديده

نعم يهمني أعرف ماضي حبيبي إذا كان مرتبط قبلى او لا

و لكن بطريقة غير مباشرة حتى لا أسبب له جروح او اي نوع من الإهانة

فأنا لا أحاسبه و لكن ذلك لكي أقارن بين تجربتي الآن و تجربتها السابقة

و أخرج بالمميزات و أعززها و أكشف العيوب و أقومها

و لكن دة ما اتمناش انه يبقى عن طريق الشخص نفسه
ممكن أسأل حد يعرفه أثق فيه أفضل



و بالنسبة للأسئلة ، انا مش بازهق منها ، بل أنا بازهق من كتر القعاد من غير أسئلة ، أنا قولت بقى انكم هاتعصروني أسئلة في الموضوع دة ، بس زي ما تكونوا مكسوفين ، اسألوا أسئلة كتير و براحتكم يا جماعة و حتى لو شخصية و أوعدكم اني باذن الله مش هازعل ،و فعلآ فرصة نعرف فكر كل منا أكثر من خلال فترة جلوسي على ذلك الكرسي



أنا في انتظار المزيد من الأسئلة ( عايز أسئلة كتير )