الحلقة الاولى من كرسى الاعتراف (amgadjalal)

ايه يا جماعة ... الأسئلة خلصت



ماحدش سألني يعني بتغسل سنانك و لا لأ !!!

طيب يا امجد اسالك
ممكن تحضر فرح واحده انت كنت بتحبها؟؟؟؟؟
ايه اكتر حاجه ندمت عليها؟؟؟
ايه اليوم اللي انت بتقول عليه( امتي اليوم ده يجي بقي)؟؟؟؟؟؟؟
ايه اليوم اللي انت بتقول عليه(يارب اليوم ده مايجي ابدا)؟؟؟؟؟؟؟؟

هاسالك سؤال ياحبيب قلبي

ايه اكتر حاجه بدتدايق منها فى الدنيا؟
ايه الحاجه لو صاحبك عملها مش هاتعرفه تانى؟
ايه الحاجه لو حبيبتك عملتها هاتقطع علاقتك بيها؟
لو جيت فى يوم وعرفت ان فى خيانه من واحد صحبك وحبيبك اوى هاتعمل ايه؟
لو انت بتحب مثلا وعرفت بالصدفه ان حببتك كانت مخبيه عنك حاجات كان لازم تعرفها ايه تصرفك معاها؟

على فكرة يا امجد
شهاده لله انت انسان محترم جدا واى انسان يتمنى انه يصاحبك بالله وكلامك حلو اوى ومحترم اوى وانا بحمد ربنا انى عرفت واحد زيك.

إجابة على أختي سارة

لو فيه داعي اني أحضر باذن الله هاحضر اذا كانت قريبتي مثلآ أو جارتي أو كدة
بس أكيد ماحبش انها تشوفني حتى لا أعكر صفوها في ليلة العمر



أكتر حاجة ندمت عليها اني ارتكبت ذنب متعمدآ
معصية بعد طاعة و هدى
و أقسم بالله هذا ليس كلام انشاء و لكنه أمر مؤلم جدآ
يشعرني بأني غير ذات حيثية


اليوم اللي باقول (امتى اليوم دا ييجي بقى ) يوم جوازي -يا نهار أبيض - و الله نفسي النهاردة قبل بكرة



اليوم اللي باقول ( يا رب اليوم دة ما ييجي أبدآ ) يوم أن أفقد أبويا أو امي في حياتي ، أنا مع اني الحمد لله رب العالمبن مؤمن بأحقية الموت و لكني لا أتصور حدوث ذلك فعليآ -- لا أستطيع تصوره أو تحمله - ربنا يهدينا و يعيننا على طاعته

كريم - انت اللي حبيبي - و الله أحبك في الله

إجابة على سؤالك :

أكتر حاجة باتضايق منها في الدنيا النسوان الزنانة و العيال الفرافير



اللي الحاجة اللي لو صاحبي عملها مش هاعرفه تاني - لو خانني متعمد و بإصرار - و بأي شكل من أشكال الخيانة



أقطع علاقتي بيها لما اعرف انها تهاونت في حق ربها او عرفها



لو واحد صاحبي و حبيبي أوي خانني - هاقوله : ربنا يجعلك كما كنت أظن بك
و أنا فعلآ لو صداقتي ليه و حبي ليه و كل حاجة كويسة عملتهاله كانت لله فلن أندم أبدآ بل و سأعلمه بذلك بأنه لا يستحق ما فعلته من أجله و لا يستحق صداقتي و لكن شاء الإله


لو عرفت انها مخبية عني حاجة : فمن أجل ما يسميه البعض ( الحب ) سوف أتناسى ذلك الأمر في حالة إذا كان سبب اخفاء ذلك المر منعآ للإحراج ووضعها في مساحة ضيقة جدآ -- فقد تكون مثل تلك الأمور لن تفيد الأحد الطرفين اذا كشف سرها عن الآخر ، و لكنه الفضول الطبيعي - إذآ فسوف أقارن مدى قدر ذلك الحب بمدى أهمية و فعالية الأمر الذي اخفته و ذلك لأني أحبها في الله



اما ختامآ على كلامك الأخير اللي بتمتدحني فيه- دة بجد شهادة تقدير ليا كبيرة جدآ جدآ جدآ و الله العظيم ووسامآ أحمله و أباهي به الناس

و أنا بجد اللي ليا الشرف ان ربنا سبحانه و تعالى - جاء بك من مكان و جاء بي من مكان آخر ليصنع بيننا علاقة قوية تعلوا على علاقتي بأحد أصدقائي أو أقاربي


و آسف آسف أني لم أستطيع أن أوفيك حقك

فما قلت لا يوفيك ذرة من قدرك




هذا و جزاكم الله خيرآ



________________________________

مزيد من السئلة

الله يخليك يارب ويكرمك ويديلك على قد نيتك يا امجد انت زى ما انا قولت انسان محترم جدا واى انسان يتشرف بمعرفتك.

حلو اوى كرسى الاعتراف دا وفكرته جميلة تخلينا نتعرف ع بعض اكتر
سورى مش كنت موجودة لما بدأتوه والحمد لله الأسئلة اللى كنت عايزة أسألها زمايلى سألوها يالا متعوضة ان شاء الله وردودك يا أمجد عجبتنى اوى

حبيبي يا ابو امجد صراحه ما عندي قولا خيرا من قولك وما عندي كلام خيرا من كلامك واكتفيت بقراه الموضوع والردود وعلى العموم احبك يا ابو امجد

ربنا يكرمكم يا جماعة

دة بس من ذوقكم و الله و من بعض ما عندكم

جزاكم الله كل خير أختي تقى و أخي أحمد و كل من شارك في الموضوع

جميـــــــــــــــــــــــــــــــــــــــــــــــــــــــــعــــــــــــــــــــــــــــــــــــآ

انت فعلا يا امجد من اكتر الشخصيات المحترمة اللى فالمنتدى وبتعجبنى ردودك جدااااااا وحلوة اوى ردودك على كرسى الاعتراف ربنا يوفقك ان شاء الله دايما للصالح وللخير

يا رب

أتمنى إني أكون عند حسن ظن سيادتكم

و يتوفر في فعليآ ما قلتم من خير في حقي

اسأل الله أن لا يكون ما افعل رياء او نفاق أو تصنع

هذا و جزاكم الله خيرآ

حلوة اوى فكرة كرسى الاعتراف دى

لو صديك ليك اوى وانت بتحبه واتغير معاك فى اسلوبه وطريقته حتعمل ايه؟
لو واحدة جت قالت لك انها تحبك ماذا تفعل؟
لو واحد انت بتكرهه اوى ومش بتحبه بس هو بيحبك حتعمل معاه ايه؟

- هاحاول اعرف سبب تغيره - ممكن يكون سوء تفاهم -او حد وقع بيني و بينه





-إذا قدرت إني أرد هاقول ( دة شرف ليا و دي حاجة أنا ماطولهاش أبدآ - بس - - - -- الأمور دي نسيبها لله و اللي فيه الخير يقدمه ربنا ..)





هاسايره مع تجنبه بقدر الإمكان - و لو مسايرتي له مش هايترتب عليها ضرر ، احترامآ لحبه لي سوف احاول أن أحبه



_____________________ _____________________

شكرآ جزيلآ على المشاركة و الأسئلة

اولا انا عجبتنى فكره كرسى الاعتراف الى عملتوه بينا
ثانيا ردود امجد عجبتنى جدا وبردو كان فى اسئله كنت عايزه اسئلها وزمايلى سالوها
ثالثا هسالك ايه اكتر امنيه تتمنى تحققها فى حياتك غير رضا ربنا

جزاكم الله كل خير

و كل عام و أنتم إلى الله أقرب و على طاعته أدوم






و إجابة على سؤال سيادتكم :

أقرب حاجة بافكر فيها فعلآ و باتمناها الجواز
و أعتذر على بجاحتي في التعبير المباشر هذا
بس فعلآ أنا حاسس إني أتمنى إني أعجل بالزواج مع بداية الاستقرار في أي عمل ما
باذن الله - سبحانه و تعالى -
و خصوصآ إن النهاردة كانوا عايزين يعملولي تشطيب نهائي لشقتي سيراميك و دهان
فبصراحة بيقلبوا عليّ المواجع



.............. و لكم جزيل الشكر و التقدير

اولا السلام عليكم ورحمة الله وبركاته
ثانيا رمضان كريم
ثالثا معلش دخلت الموضوع متاخره
رابعا فكرة الموضوع جميله جداااااااااااااااااااااا
خامسا احب اسال شوية اسئله بس مختلفه شويه عن الاسئله دا طبعا بعد اذنك
1- مين اكتر شيخ بتحب تسمعه له وبتقتنع بكلامه
2- ايه اكتر برنامج بتحب تسمعه
3- انت حافظ القرآن كله
4-ما هى اكثر سوره بتحب تسمعها
5- بتتمنى تكون زى مين فى الدنيا
6-مين اكتر شخصيه سياسيه بتحبها
7- انت زملكااااااااااااااااااااااوى ولا اهلاوى
8-كنت بتتمنى تطلع ايه
9-ايه اكتر مؤلف بتحبه
10- لو بتكتب وصيتك بعد عمر طووووووووووووووووووووووويل ان شاء الله هتكتب فيها ايه
اسفه لو كنت طولت وادعو الله لك بالسعادة وراحة البال والصحه وادعوه ان يجعلك ممن سيظلهم بظله يوم لا ظل الا ظله
ويجعلك ممن سيشفع لهم الحبيب المصطفى
ويجعل القرآن العظيم ربيع قلبك ونور صدرك وجلاء حزنك وذهاب همك ويجعل خاتمتك طاعة لله
اللهم ااااااااااااااااااااااااااامين

و عليكم السلام و رحمة الله و بركاته

رمضان كريم و الله أكرم


و إجابة على أسئلة سيادتكم :-

1 - الشيخ أحمد شتيوي - طبعآ انتوا ماتعرفوهوش بس يمكن هو أقرب لقلبي علشان قعدت معاه و اتكلمت معاه مباشرة ليس كمشايخنا الكرام على التلفاز .

2 - البيت بيتك قبل ما يبيع نفسه .

3- للأسف مش حافظ القرآن كله .

4 - سورة الرحمن .

5 - ألتمس أن أكون شيئآ من الحبيب المصطفى - صلى الله عليه و سلم - .

6 - أردوغان .

7 - أهلاوي .

8 - مهندس .

9 - عبد الوهاب مطاوع .

10 - أنا فعلآ كاتب وصية و حاطتها في مكان خاص بيا و مفتاحه معايا و معرف أهلي دة . : و دي شاملة شوية كلام توصية و تراحم و كل ما هو سري في حياتي
من أرقام سرية و أماكن سرية و باسووردات الميلات و كل ما قد يكفي صدري و أريد أن أحدث به من حولي بعد وفاتي حين أجل مسمى .



جزاكم الله كل خير و أنا فعلآ و الله سعيد بالأسئلة مترقبآ المزيد من سيادتكم .

و جزاكم الله كل خير على الدعاء الجميل دة و أتمنى من ربنا سبحانه و تعالى - أن يتقبل الدعاء لنا و لكم إن شاء الله .

و كل سنة و انتم طيبين و صوموا بقى ماتعملوش زي كل سنة .


هذا و جزاكم الله خيرآ .

بسم الله ما شاء الله جميل جميل

بس انا ليا سؤال هو كرسى الاعتراف دا بيقتصر على عضو واحد فى المنتدى

عايزين نختار عضو تانى عشان نخلى الموضوع حيوى اكتر من كدا

وميرسى ليكوا على فكرة التوبيك الهايل

وتقبلوا مرورى *تحياتى ليكوا

و بعدين بقى
ماهو التغيير على إيد حضرتك ان شاء الله
ماتنتظريش من حد هنا في المنتدى أن يحرك ساكنآ

و لا حياة لمن تنادي

بما ان حضرتك عضو جديد معانا يبقى لازم تقعدي في كرسي الإعتراف

و ياتي ذلك في موضوع منفرد فيما يلي


و لكم أفضل التحيات

ربنا يكرمك خلاص ان شاء الله نبتدى اسئلة من اول يوم فى الاجازة ونشوف الاسئلة هاتكون عاملة ازاى عايزين اسئلة جديدة

وتقبل تحياتى يا امجد

وكل اعضائنا النايمين

معلش ياجماعة انا بقالي كتييييييييييير مش بدخل هو تكنوروش دي بنت و لا ولد؟؟؟؟؟؟؟؟؟؟؟

بنت

بس انتوا أدرى