الفرق بين كبيوتر البنت وكمبيوتر الولد

الفرق بين
كمبيوتر الولد وكمبيوتر البنت


اولا جهاز البنت ليدز فرست




من النظرة الاولى من بعيد للشكل العام للجهاز

تلاقى الجهاز نضيف ومرتب وحواليه دباديب او عرايس او

لعبها وتلاقيها لازقة عليه صور فراشات او صور رقيقة وقلوب

وحجات كلها دلع ورقة وتلاقى كرسيها نضيف وسليم وشكلة

حلو ومحطوط بشكل صحيح ادام المكتب

تفتح الجهاز تلاقى صوت نغمة رقيقة مع فتح الجهاز وحاطة

خلفية صورة رقية شخصية ليها او صورة بنت جميلة او وردة

تقلب فى الملفات تلاقى اسماء الملفات عندها جميلة زى

صور اطفال
صور فساتين
صور موضة
افلام رومانسية
اغانى عاطفية

تفتح الهيستورى بتاع الجهاز تلاقيها كانت مشغلة حجات زى

فيلم تيتانيك
مواقع نكت
مواقع موضة
قهوة كتكوت
اغنية تملى معاك
اغنية بهواك
مواقف كوميدية

تفتح الميل بتاعها تلاقيها حاطة نك نيم رقيق زى

بنوتة شقية
دلع
حبوبة
حب عمرى

لو دققت شويه فى تاريخ تسطيب الويندوز ممكن تلاقى الويندوز شغالة معاها من حوالى 7 او 8 شهور متغيرتش

تيجى تشم ريحه الجهاز تلاقى رحتة برفان جميل

ولما تيجى البنت تقفل جهازها تلاقيها قفلت الحجات الى مشغلاها حاجة حاجة وبعدين تدوس شت دوان وتسمع نغمة
رقيقة

والجهاز بيقفل

-=-=-=-=-=-=-=-=-=-=-=-=-=-=-

نخش على اجهزة التماسيح



من النظرة الاولى للجهاز ووضعه من بعيد تحس انك داخل على حاجة شبة التوكتوك الى عامل حادثة ومطلعينه من ترعة

تلاقى الكيس مفتح من كل ناحية وفيها خروم غريبة ولو بصيت جواها تلاقى فيها حجات ومواد غريبة غالبا ممكن تكون مشتعلة وملهاش اى علاقة بالجهاز

وتلاقى الهارد متعلق زى الدبيحه من السلك بتاعه ومتعرفش لية
وتلاقى كمية وصلات عجيبة داخلة وخارجة من الجهاز ومش بعيد تلاقى متوصل معاهم خرطوم مية

وتلاقى باب السى دى مفتوح من غير اى داعى بالرغم من انك تحاول تقفلة هتلاقيه بيتفتح تانى لوحدو

الشاشة ممكن متلاقيش قعدتها اصلا
وممكن متلاقيش غطاء الشاشة الخلفى برضو كنوع من انواع التهوية
ولسعات سجاير وطفاية فى كل حته من الجهاز

وتلاقى الكى بورد سلكها ملحم فى بعضه وزرار الانتر وبعض الازرار المهمة غالبا مش هتلاقيها

وبالنسبة للكرسى ده لو لقيت كرسى او حاجة شبه الكرسى هتلاقيه مليان بقع شاى وسجاير وغالبا هتلاقيه واقف على 3 رجول بس

تيجى تفتح الجهاز وتدوس على زورار الباور ده لو لقيتة وملقتش سلكتين تلمسهم فى بعض عشان الجهاز يشتغل زى عربيات مكروباص الترامكو

يجى الجهاز يشتغل تسمع صوت كركرة غريب واصوات تانية شبيهه بالطرقعة المكتومة

تعدى كل ده وتبتدى الويندوز تفتح تسمع صوت نغمة الويندوز نغمة غريبة الجماعة بتوع ميكرو سوفت لو سمعوها هيبطلو ينزلو نسخ للشرق الاوسط تانى

تفتح الويندوز تلاقيه حاطط خلفية ثعبان او جمجمة مرعبة او صورة غريبة ليه هو واصحابة تفكرك بالمخلوقات الفضائية
الى جاية من عالم غريب



تدخل تقلب فى الملفات تلاقى اسماء الملفات غريبة وعجيبة
حشحش
دحدح
بتنجانة
صور معيز
صور حوادث
مصارعة

و 70% من الملفات هتلاقيها تحت سلسلة اسماء
New Folde11
New Folde12
New Folde13
New Folde14
الى ما لا نهاية

تفتح الهيستورى بتاعه تلاقى اخر حجات شغلها زى
ساو 3
ديد سيلنت
اغنية البلح البلح
صور مصارعين
كليب بوس الواوا
اسماء مواقع تخاف اصلا تخشها
نكت حشاشين

تفتح الميل بتاعه تلاقيه حاطط نك نيم يرعب البنات

الشيطان 10
البجح
سفاح المعيز
المحشش
كمبورة
عاشق الموت

لو دققت فى تاريخ تسطيب الويندوز ممكن تلاقيه مسطبها قبل متيجى بساعتين
طبعا ريحه الجهاز هتلاقيها شبة متور العربية المحروق

ولما يجى يطفى الجهاز لو فاتح ايه ميقفلهمش واحده واحده لا شد الكابل على طول من غير تفاهم اكنه بيعزب كافر
لانه طبعا ميعرفش حاجة اسمها امر شود داون

كمان لو فى فلاشه يا لهوى
فلاشه البنت نضيفه ورحتها حلو وبالغطا بتعها وفى علبتها
اما فلاشه الشباب

طالع عينها مكسوره ومن غير غطا اصلان وتحس ان قطار معدى عليها ومفرومه

بيطفوا السجاير فى البورده


ودا بتاعى

هههههههههههههههههه حلوة الصورتين دول بس الاب توب بتاعك لسه شغال

هههههههههههههههههه حلوة الصورتين دول بس الاب توب بتاعك لسه شغال

هههههههه...عندك حق ياساره...موضوع جميل

هههه مش باقوللكم بتراقبوني



و عارفين جهازي كمان



موضوع جميل و جزاكم الله كل خير

موضوع جميل جداااااااااا يا ساره

هههههههههه حلو اوى يا سارة والله انتى عثل وثكر

وخلى بالك يا امجد عشان انت متراقب ودارى على شمعتك تقيد هههههههه

موضوع حلو اوي يا سارة وعاوزة اقولك ان انا مش بحط دباديب وعرايس جنب الجهاز لكن نظيف وبهتم بيه
وما تظلميش الصبيان اصلهم مش كلهم بيعمل كدة وبعدين دول غلابة هيعملوا ايه ولا ايه
ملحوظة انا كنت بجبر بخاطرهم بس يا سارةدول بيعملوا اكتر من كدة

موضوع جميل جداااااااااااااااااا ياسارة

والبنات عامة النظافة والرقة حاجة اساسية عندهم

اما الصبيان يبقى الواحد منهم يموت لو لقى الكمبيوتر بتاعه نضيف كده وميهداش

الا اما يلاقى حاجة ولعت فيه

جميل كتير يا ساره

انا بقي الهارد بتاعي عليه افلام اجنبية رعب و اكشن و حلقات كونان وبس

ميرسي ع ردودكم وتفاعلكم مع التوبيك

موضوع جميل والاجمل الصور

موضوع واقعى اوى وفعلا ده بيحصل ماعداااااااااااااااا طفيات السجاير دى لانهم مكش بيشربوها الحمد لله

هههههههههههههههه موضوع جميل يا سارة

وعجبنى الكمبيوتر المثالى ده ههههههههههههههه

ربنا يكرمك يا سمسم انتي اللي عسل بالقشطه

هههههههههههه لا يا امه الله انا ورايا رجاله هههههههههههههههه وبعدين الجري نص الجدعنه واحيانا الجدعنه كلها