ضل راجل ولا ضل حيطة

ضل راجل ولا ضل حيطه

جلست بعض السيدات فى النادي فتحدثت سيدة وبدأت تخطب فى وسط سيدات النادي
وقالت : قالو ضل راجل ولا ضل حيطه ... ياختى بلا نيله

1 - عمرك سمعتي عن حيطه بتشخر طول الليل ومتخلكيش تعرفي تنامي

2 - ولا حيطه تدخل من باب البيت تجعر عايزه الغدا وبعدين تطين عيشتك عشان الملح طلع زياده في الباميه

3 - ولا ممكن ترجعي البيت فى يوم تلاقي الحيطه بتبوس في الشغاله

4 - طب شفتي حيطه تملا سقف الشقه دخان والارض سبارس

5 - ولا حيطه تصحيكي من عز النوم فى نص الليل عشان معرفش ايه طلع فى دماغها

6 - ولا حيطه تدوخك وراها عشان تشوفيها بتكلم مين ف نص الليل فى التليفون

7 - طب الحيطه معروف مكانها طول الليل انما المحروس يدوخك وراه عشان تعرفي كان سهران في انهي دهيه .... قال ايه عنده شغل : يا سم

8 - ولا في حيطه تحاول تطلعك غلطانه فى كل كلمه تقوليها عشان تثبت للعيال ان الحيطه بتفهم عنك

9 - ولا حيطه تقعد تقولك ماتخرجيش بالفستان ده أحسن اقطعه ولما تطلبى منها فلوس عشان تجيبى فستان غيره تعمل ودن من طين وودن من ...طيب ده حتى الحيطه ليها ودان

طبعا الموضوع هزار لأنه لولا وجود الرجال ما كان وجود للنساء والعكس لأنهم الاتنين بيكملو بعض

وحشه اوى الحيطة دى

ربنه يوعدنا بجدار حلو كدة هههههههه

مين الى قالك كده بس ما تبقوش تزعلوا من التريقه على البنات

انا مش بتريأ والله يا خطاب اقرى اخر جملة خالص فالتوبيك وانت تعرف

وميرسى لردودكم

هههههههههه ايه الحيطه الفظيعه دى هههههه ميرسى ع الموضوع الجامد ده

ههههههههههههه لا عجبني موووووووت ههههههههههه

ميرسى هدير ميرسى سارة

باين كدة اختي حنان و باقي اعضاء المنتدى بيراقبوني و بيشوفوا أنا

دايمآ باعمل إيه و لما بادخل من باب البيت باقول ايه

هههههههههههههههههه......حلو اوي اوي اوي.هههههههههه ومتزعلش ياخطاب دا حنا اخوات وبنهزر..بس توبيك لذيذموووووووووووووت.

ميرسى يا شوشو وميرسى يا بسوم
وانت يا مجد ابقى اقفل الباب كويس شوية وغطى خرم الباب كويس لانك مترااقب عالاخر فى نملة ماشية وراك هههههههه