حوار مع مواطن سنه 2050

المذيعه: اسم حضرتك
المواطن: حماده
المذيعه: احكى لنا شوية عن ايام زمان
المواطن: أحكى ايه ولا ايه ولا ايه عن زمان .... والنبي متفكرنيش بايام العز....ايام الرخص...أيام الاحترام.... طب ده انا مثلا فاكر من حوالى 40 - 45 سنة كدة كان الواحد مننا ياخد من ابوه المصروف10او ...15 جنيه فى اليوم وكانوا بيكفوا...ومابيفتحش بقه...مش زى دلوقتى....الله يكون فى عوننا... .ده انا فاكر ان عمرى ما ناقشت بابى( ابو حماده)الله يرحمه ف المصروف.... زمان الواحد كان محترم في لبسه كان الولد لابس البادي الكات والبنطلون النيجر او البنطلون الجينز الديرتى المقطع و خلاص..... والبنت تلاقيها ماشية باحترامها لابسة المينى جيب والاستوماك او البنطلون الاستريتش و خلاص...لكن لبس اليومين دول.... مايتوصفش....اجارك الله زمان المصاريف كانت محدودة ...فين ايام ما كيلو اللحمة كان بـ 45 جنية بس... .. كانت ايام .. وبعدين زمان كانت ابواب البيوت تتقفل من بدري يعنى الساعة 4 الفجر كدة... وكان الابهات ليهم شنة و رنة....يعنى ماتلاقيش واحد بيعلى صوته على ابوه و لا بيمد ايده على امه....غير لو زعقوا له او ابتدوا معاه بالصوت العالى.... زمان كنا بنذاكر على الاغانى الطربية الاصيلة....فين ايام الاغانى الاصيلة زى بحبك يا حمار و العنب العنب العنب....لكن اغانى اليومين دول لا ليها طعم ولا لون و الكلمات بقت مبتذلة ومالهاش معنى.... طب بذمتك كدة قارنى بين مطربات زمان زى الست روبى و الست دانا و الست هيفا....لكن مغنيات اليومين دول بيعتمدوا على جسمهم و على المسخرة....فين ايام الفن الاصيل وبعــــــــــــــــــــــــــــــــــــــــــــدين زمان بصراحة بقى كانت المذيعة تقعد قدام الضيف او جنبه مش على رجله زي ما انتى عاملة كدة....
المذيعة: قول لزمان ارجع يا زمان

هههههههههههه على رجله اخرتها يعنى بس فعلا دا اللى هيحصل فى 250 ربنا يدينا طوله العمر موضوع جميل يا ساره شكرا ليك

هههههههههههههههه نفسك تعيشي انتي يا هدير هههههههههه الي 2050 حتخدي زمنك وزمن غيرك ربنا يدينا ويديك طوله العمر ميرسي ع الكومنت

حلو اوى الموضوع ده يا ساره

ههههههههههه جامد جدا يا سارة

ميرسي يا خطاب ميرسي يا حنان

ههههههههههههه جامده يا ساره

ههههههههههههههههههههههههههههههه
خلاص يا جماعة يالا حسن الختام

ربنا يلطف بينا

ههههههههههههه موضوع تحفه يا ساره بجد حلو اوى وانتى كل مواضيعك تحفه

ميرسي يا ايه ده من زوقك يا قمر نورتي التوبيك

فعلا والله عندك حق

الناس الكبيرة دلوقتى بتقول نفس الكلام

والناس اللى حتكبر بعد كدة (فى 2050) نفس الاسطوانه دى بردة

هههههههههههههههه......جامد جداااااااااااااااااااااا........ميرسي ع التوبيك اللذيذ ده يا سوسو.......

ميرسي يا شوشو يا سكره