السلام عليكم
فى البداية احب اقول مبروك لكل اللى فازوا بالقاب جديدة
ويا رب دائما فى تقدم
اما عن المنتدى فهو بجد جميل جدا بكل الموضوعات اللى فيه وبكل الردود الجميلة والمشاركات الحلوة
وبعد ........
انا عندى شوية اقتراحات عيزة اعرضها عليكوا بس ويارب تعجبكوا
اول اقتراح:
عيزة يكون فى اذكار الصباح والمساء كاملة فى المنتدى وتعرض فى وقتها
يعنى مثلا اذكار الصباح تعرض بعد الفجر سواء تقرأ او تسمع
وكذلك اذكار المساء تعرض بعد العصر
وياريت يكون فى اذان ينبئ عن وقت دخول الصلوات
تانى اقتراح:
ان يكون فى العاب مشتركة بين اعضاء المنتدى
زى مثلا الشطرنج فيلعب مثلا اثنان من اعضاء المنتدى مع بعضهم
او الكتشينة فدى ممكن اكتر من اثنان يلعبوا مع بعض
وهكذا فى العاب كتيير
اخر اقتراح عندى:
ان يكون فى قسم للاستفتاء.............ازاى
يعنى مثلا ان اى حد عايز يعرض سؤال وعايز يشوف رأى اعضاء المنتدى فيه ايه
مثال: انا حعرض سؤال مثلا
لماذا دخلتم كلية التربية النوعية ؟
1-انا بحب الكلية دى وكان نفسى ادخلها من زمان
2-المجموع هو اللى دخلنى فيها
3-اى حاجة والسلام
4-غير ذلك
ويقوم كل عضو من الاعضاء بعمل علامة صح امام الاختيار المناسب له
ويتم بعد فترة زمنية معينة وليكن اسبوع عرض النسبة المئوية النهائية لمعرفة النسب بين الاجابات
معلش طولت عليكوا شوية
بس يارب الاقتراحات بتعتى تعجبكوا
الرئيسية 
