تعالوا نكون احلى منتدى

بجد عاوزين نبقا احلى منتدى بجد مش مجرد كلام واسم كده احنا اللى بنسميه لنفسنا لا عاوزينه يبقا احلى منتدى فى النظام فى الموضوعيه يكون هادف يكون دينى وبرضوا يكون فيه جانب الفكاهه والضحك بجد عاوزين نخليه احلى منتدى عشان يفضل معانا لحد الفرقه الرابعه بازن الله وبعد الكليه


عشان احنا منقدرش ننسا الدكتور ايمن الفخرانى

بجد اللى يشوف الموضوع ده يسيب رده على انه هيشارك او لا بس يارب كلنا نشارك ونتفق ان احنا نخليه احلى منتدى لانه بتاعنا كلنا مش بتاع واحد بس اوك


شكرا على حسن استماعكم

فكره جامده يا محمد انا معاك وموافقه علشان نكون دايما علي اتصال ونعرف اخبار بعض في الاجازات وكمان بعد الكليه ونكون احلي منتدي ونكون اسره مع بعضنا

فكره حلوه وانا معاك فيها ويارب نكون احلى منتدى فعلا.ونكون مع بعض على طووووووووول حتى فى الجازه وبعد ما نخلص كليه.

فكره رائعة وأنا معاكم إن شاء الله

أريد أن أقول:

لكى نكون أحلى منتدى أهم حاجة النظام

ياريت نعمل عناوين رئيسية ويندرج بداخلها كل مايخص الموضوع


مثلا : الجانب الدينى ويكتب بداخله الموضوعات الجديدة الخاصه به

و جانب للقصص

واخر يسمى الساحة الترفيهية( نكت , أخبار طريفة ,.......)

وهكذا .........
حتى يسهل علينا قراءة المواضيع بسهولة ونحقق أكثر استفادة

وشكرا

فكرة رائعة وانا بشكرك عليها لانها هتجعل كل اعضاء النتدى متصليين ببعض فى الدراسة والاجازة وده اجمل شىء

متشكر جدا على موافقتكم وعلى انكم ناوين لكده ان شاء نكون بيكم احلى منتدى فى الدنيا عشان انتوا فيه

الله حلو اوى الموضوع دة بجد تصدق كنا احنا عايزين حد يقوللنا كدة بس على فكرة احنا اسرة حلوة اوى حتى شوف احنا اهو لسة فى سنة اولى وعاملين ايه فى المنتدى وبنرد على بعض بطريقة حلوة ولسة متعرفين على بعض جديد دة اول ترم واحنا كدة تخيل بقى فى سنة رابعة هنكون ازاى مع بعض ان شاء الله ربنا يديم الصداقة الجميلة دى ما بيننا

بس انا عايزة اعرف ازاى نخللى المنتدى بتاعنا يبقى احلى منتدى اكتبوا بقى مقترحاتكوا

وحلو الاقتراح بتاعك يادينا على فكرة

متشكر جدا على ردك يا رنا وهقولك نعمل اى عشان نخليه احلى منتدى
1_نحاول نزود من مواضيعه الدينيه
2_نحاول نخلى عليه احدث المواضيع جوه الكليه من اخباره وامتحانات وكده وبره الكليه من اخبار عامه
3_بالتعاون على الخير فيه ان احنا نزكر بعض بمواعيد الصلاه وبالمزاكره
4_بالتعامل بالصدق و الوضوح والبعد عن النفاق
5_ان احنا ندعى ربنا انه يكرمنا اولا فى الامتحان الاكبر وهو الامتحان لدخول الجنه او دخول النار وفى الامتحانات الصغيره اللى هى فى الدنيا كده من امتحانات دراسيه مواقف كده الانسان بيلاقى نفسه فيها
6_ان احنا نعقد النيه على ان احنا نكون احلى منتدى وكفايه ان احنا بنحب بعض فى الله وده كافى ان احنا نكون احلى دفعه واحلى منتدى واحلى ناس اسف لو طولت عليكم