ممنوع التدخين

لقد اوضحت العديد من الدراسات التدخين وخطره ولكننا لن نستطيع ان نوقف من يدخنوا الا اذا جاء ذلك من انفسهم ولكننا نرسل لهم رسالة بان يمتنعوا عن التدخين فى الاماكن الزدحمة كى لا يضروا غيرهم

وبجد الناس المدخنين اصبحوا يستغنون عن الطعام مقابل التدخين وينفقون اموال باهظة على التدخين

والتدخين كالمصيدة من يقع بها لا يستطيع المفر منها الا الى الموت والدفن تحت التراب بعد نهاية حياة لم تكن تفتحت بعد لان معظم المدخنين الان هم الشباب بل اكاد اقول من صغر سنهم الاطفال!!!!!!!!


ولكن العجيب ان للتدخين فوائد ولكنها مؤلمة فهيا بنا نقراءوها

والتدخين بالاضافة الى انه يستهلك صحتنا ويقضى عليها فانه يمنعنا ايضا من القدرة على الجرى لمسافة لا تزيد عن مائة متر كما انه يجعل يد المدخن واصابعه سوداء مكان السيجارة فما بالك ايها المدخن بمنظر راتيك هيا بنا نرى منظر رئتنا نحن الاصحاء غير المدخنين ورئة المدخنين غير الاصحاء



فهيا بنا نقف وقفة جادة ونحاول بكل جهودنا ان نمنع التدخين فى المدارس والجامعات ووسائل المواصلات هيا نصرخ باعلى صوت فى وجه من يدخنوا ونقول لهم





هيا بنا ننصحهم بأن يفعلوا هكذا نعم يضغطوا على السيجارة باقدامهم ولا يقتربوا لها ابدا لان من يدخن يفقد كل شىء ماله ونفسه وصحته ويصبح هكذا



رسالة الى كل من يدخن :فكروا كى لا تخسروا فكروا فى الاقلاع عن التدخين فالصحة نعمة لا تقدر بمال.

التدخين بيضر بالصحه زيارتك تسرنا وسيجارتك تضرنا توبيك رائع يا شروق وعاوزين مواضيع جامده زي دي

فعلاوالله عندك حق ده التدخين ده نقمه والموضوع ده جامد والله بس المهم المدخن يسمع للكلام ويعرف خطر التدخين ويقلع عن التدخين

شكرا بجد على الموضوع الهادف ده وياريت كل مدخن يقرأه ويعرف ضرر التدخين

شكرا على ردودكم الرائعة ويا ريت تنصحوا كل مدخن تعرفوه يمتنع عن التدخين

شكرا على ردودكم

حلو الموضوع دة ياشروق بس ياريت صورة الراتين دى تشيليها عشان انا اول ماشوفتها اتشلليت لانى تخيلت الرأتين بتوعى هم اكيد بالمنظر الكأيب دة

لا مش اللى فى دماغكوا اكيد دماغكوا راحة لبعيد ان انا اللى بدخن لا ابوية هو اللى بيدخن وانا زهقت من كتر الكلام معاه انه يبطلها لانها بقت عادة وانا اخر لما زهقت قولتلوا اعقلها بدماغك كدة وتخيل نفسك انت ماسك حاجة ملفوفة فى ورقة بيضا بين صوابعك و عمال بتحرق فيها وبعدين بتاخد الدخان اللى بيطلع منها وبطلعه تانى يعنى انت ما بتستفدش منها بحاجة اصلا

عارفين بابا عمل ايه بصّلى وسكت قلت ايه دة اكيد كدة كلامى جاب نتيجة معاه تانى يوم جيت ادخل البيت لاقيت فيه شبورة حلوة كدة عندنا قولتله ايه دة هى دى مكافئة نهاية الخدمة ولا ايه
طبعا الشبورة دى ما كانتش حقيقية دى كانت دخان السجاير اللى بابا شربها
المهم ان انا لو قلتلوا اشربها فى الحمام يبقى هيقضى حياته كلها فى الحمام لانه ما بيبطلهاش الا لما يدخل ينام (ماذا تفعل لو كنت مكانى) اكيد اسيب البيت وامشى واقوللوا يا انا يا السيجارة فى قلب العمارة

والله يارنا انتى تعليقاتك دى جامده جدا بس انتى بصى بتقولولى حاجات ياااااااااااااااااه
جااااااااامده جدا والله يانا يا السجاره فى قلب العماره

بسم الله الرحمن الرحيم
موضوع جميل جدا وهادف وعلي فكرة أسهل حاجه إن الانسان يبطل تدخين فقط يحتاج إلي إرادة .
وعلي فكرة يا رنا ما تيأسيش وحاولي وأدعي ربنا إن باباك يبطل تدخين وإن شاء الله ربنا يكرمه ويبطل تدخين وعلي فكره أن بابا كان بيدخن وكتير كمان بس الحمد لله ربنا كرمه وخد القرار مرة واحدة والحمد لله ساب التدخين فعلا هناك فرق .
وربنا معاكي

شكراااااا يا شروق على الموضوع ده بس حنعمل ايه مهما غلوا السجاير الناس بتشتريها برده

وانا زيك يارنا بس بابا بيحاول مايشربش السيجارة واحنا قاعدين وخاصة اما يبقى اخويا الصغير قاعد

واحنا برده حاولنا مع بابا وساعات يبطلها ويرجعلها تانى

نصيحتى لكى يا رنا تنادى باباكى وتخليه يتفرج على الموضوع ده دلوقتى

مشكله رنا بقت مشكله راى عام

شكرا على ردودكم