في سنة ثالثة ثانوي ... كان عندنا آخر مادة التربية الوطنية و المستوى الرفيع
أنا بصراحة كنت بصيت على الجدول و خلاص و اعتمدت على اني حافظه تقريبا
و كنت باتأكد من اصحابي من المادة الجاية كل مرة
بس جيت ليلة امتحان التربية الوطنية و المستوى الرفيع و اللي كانت يوم اتنين
أنا كنت فاكر ان الامتحان يوم الأربعاء ... و كنت سهران بالليل
و قعدت أرن على أصحابي قبل الفجر بساعة تقريبآ .... باهزر معاهم يعني
بس غريبة ماحدش بيرد و لا بيرن عليا تاني حتى
المهم ... عادي ... صليت الفجر و رجعت قعدت أفطر و استنيت للشروق
و بعدين صليت الضحى و دخلت نمت .....
نمت ساعتين و لقيت اللي بيصحوني ..... أمجد ... أمجد ... عندك امتحان يا باشا
قمت قايم جري و جريت على سمنود علشان كنا بنمتحن فيها ....
كنت رايح علشان ألحق التربية الوطنية اللي فيها سقوط و نجاح ( بمجرد الحضور فقط )
أما بالنسبة للمستوى الرفيع .. فكنت سايبه أصلآ لليلة الامتحان و اللي كانت سراب
روحت و يا دوب أخذت توكتوك طار بيا لغاية المدرسة و دخلت يادوب على معاد اللجنة الثانية
واقف و مش واخد بالي ... أتاري ان المادة الأولى اللي امتحنوها هي التربية الوطنية
و المادة اللي هادخل امتحنها هي المستوى الرفيع
دخلت و سميت و قبأت في الاجابة ....
و بفضل الله و منته ... بدون ضحك أو عجب ... جبت فيه ... 10/10
و دخلت التربية الوطنية دور تاني ... و كنت مرحلة ثالثة
و لما نتيجة الدور الثاني ظهرت لقيت نفسى بلا فخر أخذت طبعآ نصف الدرجة
الفعلية اللي باخدها في المتحان نفسه جبت 10 / 20
يعني في المتحان جبت 20 / 20
و تقديمي اتأخر من الكلية أوي ... و كنت باقدم يوم الأحد الذي كان من المفترض
أن يكون أول يوم دراسي لنا .. و لكن في الأسبوع الأول اللي مش بيبقى فيه
دراسة أصلآ ........ و انتهت الغيبوبة
الرئيسية 
