فكرة لإعتذار رومانسي..

كثيراما تحدث بين الزوجين الخلافات فلا توجد حياة بدون مشاكل ,
فهي بهارات الحياة الزوجيه لا تسير على وتيره واحده بل هناك شجار ونقار وحب وحنان فإذا بدر منك أي إساءة او تصرف خاطئ فقومي بهذه الفكرة الجميلــــــه

أحضري 3بلونات شكل قلوب
3ورقات صغيره كل وحده مكتووب فيها عباره
مثل..
الاولى.....اعتذر منك لاني غلطانه
الثانيه..........اعتذر مني لانك غلطان
الثالثه..........ننسى ماجرى ولنجلس جلسه رومانسيه
الرابعه............. احبك ومش اقدر على زعلك

ثم قومي بوضع الورق في البالونات وانفخيها ثم ضعيها على السرير
وعندما يهدأ الوضع اشعلى مجموعة من الشموع واعطي زوجك دبوسا ليفرقع البالونات ويقرأمافيها من عبارات
وسيتغير الحـال باذن الله الزوج طفل كبير فعامليه بلطف وحيله وحكمه..يسير معك أينما سرتي ولا تنسي الاحتساب في الاجر كي نحصل على سعادة الدارين باذن الله
نتمنى أن تنال الفكره إعجابكم .
فى حفظ الله

شكرا ع الموضوع يااحمد ........موضوع جميل .

مرسى يا أحمد ع الموضوع
فكرة مجنونة بس حلوة

ميرسى ليك يااحمد ع الموضوع الجميل ده وفكره لذيذه اوى بس هو لو زعلنى انا هفرقع البلونات فى وشه والله لانى مش بحب حد يزعلنى ههههههههههه هعرض الموضوع ده ع ماما ولو حصل لقدر الله بعد الشر يعنى هى مش حصلت فى بيتنا قبل كده الحمد لله رب العالمين سوء تفاهم هتبقى البالونات عليك اوك هههههههههه

فكرة والله يااحمد بس وقتها مش دلوقتى خالص هو خلاص انت شايفنا هانتجوز بكرة ولا ايه بس فكرة للكبار المتزوجين فقط وليس لنا

بصراحة كريم عنده حق الكلام ده ما ينفعش دلوقتي خالص

موضوع جميل جدا واللهي لان التسامح في الحياه الزوجيه من اهو عوامل استقرار الاسره

حلوه الفكره المجنونه دى نور ومهند يا ولاد ههههههههههههههههههههه
زى اللى كان بيصالح مراته وجباها فرقة موسيقى تحت البيت فى القاهره شوفتوا الموضوع ده

لو فى المستقبل البعيد لو جوزى زعلنى وخدوا بالكوا من (لو) طبعا هو المفروض يعمل المستحيل عشان يصالحنى اكيد يعنى اما لو انا اللى زعلتة افتكر ان دى فكرة حلوة اوى ورائعة انى اعملها عشان اصالحة انا معاك فى رايك يا احمد بجد حلوة الفكرة لانها مجنووووووونة وانا بحب الجنان

طيب انا نفسى اعرف هنحط الروق وا البالونات ازاى البولونات القلب دى بتيجة منفوخة اصلا وبتبقى بلاستيك يا عم كلها احلام بس موضوع جامد

اقولك فكرة احنا نجيب اكياس عادية من بتاعة العيش دة ونحد جواها الورقة وننفخها ونربطها وهية حتى هتفرع لوحدها مش محتاجة دبابيس
او لو واحد زعل مراتة يروح يجيبلها عيش ويبقى كدة صالحها اصلا


اوعى تزعل يا مان انا بهزر معاك موضوع جامد والله
ثانكث