لو زهقان او طهان اعمل كده بالظبط وابقى ادعيلى

ايه مالك زاهقان وطهقان ومش لاقي حاجه جديد في النت ولا الشارع ولا البلد اقولك علي حل كويس ارمي نفسك من البلكونه ........ لالالالالا ولا بلاش يا عم اصلي كدا هاخد ذنبك في حل احسن وجامد طحن تعمل حاجه جديده محدش غيرك عملها اول: حاجه رووووق دماغك وخليك معايا
بص يا عم انتا تجيب ورقه وتكتب فيها شويه حاجات كدا هتظبطك وترجع تمام




اولا : افتح على قناة إخبارية صينية و تابع الأخبار، و هز راسك و اعمل نفسك فاهم...!!!





ثانيا : اخترع لغه اي عبط يعني وكلم الناس بيها .... بحيث محدش يفهمك وده مفيد بردوا ياعم مش وحش




ثالثا : تجييب عربيه وتروح قدام اداره المرور واقعد خمس بيها .......وهات فاس وانزل حفر قدام العربيه



رابعا: روح اي مطعم وانتا بتاكل اقع علي الارض واعمل نفسك اسممت وهاتلهم مصيبه ...


خامسا : وانتا ماشي بالعربيه اقف عند اي اشاره مرور واقعد شاور عالناس وتضحك زي العبيط . بس اوعي تنسي تعلي الكاسيت علي الاخر ولو عندك جي ام يبقي احسن عشان تجبلهم تلوث سمعي بس اوعي تركب حد في الكنبه اللي ورا ... اسال مجرب علشان الجي ام




سادسا : ادخل النادي الاهلي وانتا لابس فانله الزمالك او العكس ....




سابعا : اقطع تذكره قطار درجه ثانيه ورح احضر بيها ماتش الاهلي والزمالك بس متنساش تاخد علم ريال مدريد معاك وانت رايح عشان تشجع




سابعا : خلي اي واحد ماشي في الشارع بس تكون متعرفوش وتيجي رذعه علي قفاه بس اتوصي والنبي

ثامنا : وانتا في الكليه يا سلام لو تنيم العجل بتاع عربيات الدكاتره ويا سلام لو انتا في تجاره انتا مش تنيم العجل انتا تفجر له العربيه من غير تفكير




تاسعا : وانتا ماشي في الشارع تقعد تسلم علي ناس متعرفهمش ولا عمرك شوفتهم وده حلو برده عشان الناس تعرف قيمتك




عاشرا : تدي لواحد صحبك ميعاد في مكان وتروح تستناه في مكان تاني خالص




واخيرا تقف عند نزلت الكوبري والعربيات نزله بسرعه جامده وتوقف تاكسي وتقوله معاكش فكه 10 جنيه يا عموا الراجل طبعا هيبتسملك ويقولك لاحبيبي .... لالالالا مش هيقول احنا هنكدب هيقول ( امشي ياض ياابن ................) .. اطلع اجري وتعالي استخبي عندي انا ساكن قريب من الكوبري .........

بجد دمه خفبف جدا بس صدقنى بعد ماقراته اما هتقتل من الناس اللى هقبلهم او احتمال ادفن نفسى او ادخل مستشفى المجانين مافيش اى حل تانى

شكرا على هذة النصائح الغالية التى لاتقدر بمال ونتمنى منك المزيد وبجد الف شكر وانا اول واحد هاعمل اللى انت قلت علية(ههههههههههههه)

النصائح دى بجد غريبة واكيد مش حقيقية لكن فى الدنيا ناس كتير بتعملها لكن لو زهقان بجد من اى حاجة فى الدنيا من نصيحتى ان تخرج وتمشى او تقرا قران لان القران يزيل الهم والكرب او تتفسح مع اصدقاؤك او اى حاجة تغير بيها الملل اللى انت بتكون فيه لما تكون زهقان..

انت كده حجيب مصيبه للي حيعمل كده ده انا ارمي نفسي من الشباك احسن من اللي انت بتقوله ولو عملت زي ما بتقول يا اما حنتخانق خناقه جامده موووووووووووووت وانت حتسبني اضرب يا اما حنروح القسم وطبعا حتقول معرفهاش ياباشا انا برئ وحدخل السجن ومش حجبلي عيش وحلاوه حتي يا اما حيتحكم عليا باعدام وحتقول الله يرحمها كانت وش اجرام وكتير نصحتها يا اما حنروح مستشفي المجانين وطبعا حتقول اللي انت حتقوله من غير ما انا اقوله

بسم الله الرحمن الرحيم
علي فكرة كلمة (والنبي) حرام لأن النبي صلي الله عليه وسلم قال -فيما معني الحديث - من كان منكم حالفا فليحلف بالله أو كما قال صلي الله عليه وسلم أو من حلف بغير الله فقد أشرك أو كما قال صلي الله عليه وسلم
قل لا إله إلا الله

(لا اله الا الله ) دة ردى على كلمة والنبى (لامة الله عاشقة الجنة) انا عايزة افكرك بس انك ياريت تكتبى اسمك الحقيقى عشان ماتتلغاش عضويتك وميرسى ليكى على انك نبهتينا للجزئية دى وجزاكى الله كل خير

وبجد الكلام دة حلو اوى بس ما فيش حد يقوله الا لما يكون جربه واحنا لازم نجربه عشان نشوف ايه هى نتيجة الكلام دة ياترى هيعيش ولا هيكون البقاء لله يبقى نجربه فى مين ؟؟؟؟؟؟؟؟؟؟؟؟؟؟؟؟ اكيد انتوا عرفتوا هنجربوا فى مين هههههههههههههههههههه

حاضر انا هاعمل كده بس هدعى عليك مش هدعيلك بس بجد حلوه نصائحك العاقله اوى دى