خليك ......خليكي

السلام عليكم
قبل ما نبدأ كلام احب اقول ان الموضوع ده لمجرد معرفه الاراء فقط لا غير يعني انا مش بكلم عن شخص معين ولا بحاسب حد والموضوع مجموعه من الاسئله محتاجه اجابه.
خليك و خليكي جريئ وجريئه وقول و قولي رأيك بصراحه :
1- ما رايك هل توجد صداقه بين الولد والبنت ؟
2- ما انطباعك لرؤيتك لبنت وولد قاعدين في الكليه لوحدهم؟
3- ما انطباعك لرؤيتك لولد قاعد مع شله بنات ؟
4- ما انطباعك لرؤيتك لبنت تجلس مع شله صبيان ؟
5- ما انطباعك لرؤيتك لشله بنات تجلس مع شله صبيان ؟
6- هل انت كنت صريح وانت بجاوب ؟
ملحوظه الموضوع لمعرفه الاراء فقط لاغير

- لاااااااااااااااااااااااااااا توجد صداقة بين البنت والولد


وباقى الاجابة على باقى الاسئلة هيه اننى لا افضل ذلك

واذا لم يكن تعامل البنات والبنين فى حدود الاحترام فانا لا احترم فتكون اجابتى على السؤال 2 3 4 اننى لا احترمهم اذا لم تكن المعاملة فى حدود الاحترام ولا افضل ايضا رقم 5 اذا لم تكن المعاملة فى حدود الاحترام اما بالنسبة لرقم 6 نعم هذه هى الصراحة

الحقيقة أختي سارة قدمت موضوع رائع

و الأخت شروق قدمت رد .... أنا لساني للأسف كان دائمآ يعجز عن قوله

أحيي الأخت سارة على الموضوع اللي و الله أسعدني جدآ

و أحيي الأخت شروق على جرأتها و انها قالت كلمة حق و جاوبت بكل صراحة

أنا شخصيآ عمري ما كنت هاقدر أقول رأيي بكل الصراحة الكاملة

عن جابر بن عبدالله قال :
قال رسول الله(ص): ((من اسخط الله فى رضى الناس سخط الله عليه واسخط عليه من ارضاه فى سخطه ،من ارضى الله فى سخط الناس رضى الله عنه وارضا عنه من اسخطه فى رضاه، حتى يزينه ويزين قوله وعمله فى عينه))


للأسف أنا لو كنت رديت على الموضوع قبل شروق لم أكن سأنطق بالحق الكامل

مجاملة لأحبابي

أرجو الموضوع ينال إعجابكم

و أرجو ماحدش ياخد الموضوع بحساسية لأننا فعلآ اخوات و بنتكلم عادي

" و السلام على من اتبع الهدى "

على فكرة يا امجد انا جاوبت على الاسئلة دى لان سارة طلبت الصراحة وجاوبت عليها كمجرد اسئلة وليس اكثر من ذلك دون اى شىء ولا زم المعاملة تكون فى حدود الاحترام والادب وغير ذلك فتكون خارجة عن الحدود

عندك حق و جزاك الله خيرآ


بس عندي سؤال


هي مين اللي في الصورة الشخصية دي ؟

عايز أخدها لابني علاء

ههههههههه

شكرا يا جماعه علي ردودكم وبجد انا بحب كل صحابي سواء صبيان او بنات علي انهم اخواتي و اتمني تفضل في علاقه طيبه ومحترمه بينا علي طول

سكرا ياسارة على الاسئة الوجية دى واعتقد ان مافيش حد سأل الاسئلة دى لنفسة قبل كده وانا رأيى من رأى زملائى انها لابد ان تكون علاقة اخوة ومحبة واحترام كل من الطرفين للاخر وعكس ذلك لااقبل

شكرا على الموضوع يا سارة
أبدا لا يمكن أن توجد صداقة بين الولد والبنت
مفيش حاجة اسمها فى حدود الأدب و الحترام (أن أصلا مش فاهمة بتكون إزاى)
إحنا كمسلمين ديننا بيقول كدة ولا إنتوا مش عارفين؟
يا ريت اللى عنده ملاحظات يقول لأن المفروض كلنا نتكلم بصراحة
هستنى تعليقاتكم

آه نسيت أنا كنت صريحة جدا

عامه انت يا تقي صح في موضوع ان الدين فعلا بيقول كده بس احنا دلوقتي في الزمن ده كل حته فيها رجال ونساء يعني اكيد حيبقي في تعاملات والتعاملات دي بتبقي في حدود الاحترام وده اللي احنا نقصده مش نقصد اللي انت فهمتيه واختلاف الراي لا يفسد للود قضيه وشكرا ع ردك

اوكى لا توجد صداقه بين الولد والبنت لكن اسمها زماله بنتكلم فى حدود الاحترام لوعاوزين من بعض حاجه نساعد بعض نخاف على بعض ك اخوات وكل واحد يعامل البنت ك اخته والبنت تعامل الولد ك اخ انا عن نفسى بعمل كده وانا على فكره كنت مبكلمش حد الأول لكن احتاجت حاجات ودى صرا حه مش مصلحه لانى بعد كده كلمتهم ك اخواتى لانى ملييش اخوات ولاد

هو ده راي يا هدير اللي احنا بنقوله وكلنا في الكليه اخوات وزمايل شكرا ع ردك

ولا يهمك يا سارة
هو إيه دة اللى أنا فهمته ؟ يا ريت توضحى!
أنا بجد مش فاهمة غنت تقصدى إيه

لا يا تقي انا قصدي ان احنا مش بنبرر الصداقه بين البنت والولد يعني احنا بنقول ان دي مجرد زماله عاديه مش صداقه ولا اي حاجه تانيه وعامه كل واحد له وجه نظر مقتنع بيها وانا بحترم كل وجهات النظر

والله ياجماعة الموضوع كبير خرج من ادينا وراح ادينا التانية هههههههههههه ياجماعة انتم بتتكلموا في اية احنا والله اخوة واحبه فى الله وماحدش يقدر يقول غير كدة واحنا الصبيان والبنات بنكمل بعضنا البعض وان عن نفسي بعامل البنات بكل ادب واحترام ومااقدرش اتجاوز حدودى مع احد وكذلك الصبيان اللى معانا وانا متأكد من ذلك واحنا المفروض نخاف على مصالح وشعور بعضنا البعض واى شئ يصيب البنات الصبيان تقف معاهم وتساندهم والعكس صحيح لاننا فعلا اخوة واحبه في الله وماحدش يقدر ينكر ده وده كان رأى بكل وضوح وشفافية والاجابة كانت واضحة ومحددة ياأبيض ياأسود لان الرمادى مبحبوش هههههههههههه

ميرسي يا كريم علي شعورك الطيب و احنا كلنا البنات بنعتبر الصبيان اخواتنا

بس ساعات الواحد بيحس ان اخوى الولد بيحس بي أكتر من البنت زملتى و لازم الموضوع يكون في حدود الأدب لم البنت و الولد يكونوا لوحديهم بيخرج متهيألي الموضوع عن أيديهم و ماتبقاش صداقة و بس و ممكن الناس تفهمهم غلط

أدعّم وجهة نظر الأخت تقى

و بالنبة لأختي سارة ... فعلآ احنا بنلاقي في كل حتة رجالة و ستات و مضطرين اننا نتعامل معاهم



مضطرين

يعني لمّا تبقى ضرورة



و بعدين لو سمحتولي أوجه سؤال للجميع....

هل فعلآ المشهد الموجود في الكلية يوميآ و الذي به تجمعات أو انفرادات بين الشباب و البنات

بيكون زي أي تجمع أو انفراد بين الأشقاء فعلآ (اخواتنا في البيت ) ؟

أكيد أي واحد أو واحدة بيتكلموا مع بعض بيحسوا بشيئ مختلف عن محادثتهم مع أشقائهم

و دي فطرة و غريزة في الانسان



و سؤال آخر كل واحد و واحدة يسأله لنفسه ....

هل لو أبويا أو أمي أو أخويا واقف جانبي هاقدر آخد راحتي زي

ما ببقى لوحدي في الكلية و باتكلم مع زميلي

هل المشهد دة يرضي أبيا أو أبوكي أو أختي أو أخوكي ؟


- أنا شخصيآ ما اعتقدش...... و دة أكيد دليل على احساسي اني باعمل

حاجة أنا شخصيآ مش راضي عنها و حاسس انها غلط



يا جماعة أرجوا و أستميت في رجائي ان ماحدش يزعل مني أبدآ

كلامي دة لإخواني الشباب ... و أخواتي البنات .. دة دليل علي إني

زميلهم و باحبهم في الله فعلآ ....

انا رايي ان مفيش حاجه اسمها صداقه او زماله والصحبه دي غلط لان اسلامنا بيقول كده

وكلامي باني اكون عايزة منه خدمه انا ممكن اطلبها من واحده زميلتي

وطبعا واكيد ان الولد اللي بيكلم بنت بيكلمها في مواضيع عاديه مش في الدراسه
ودي وجهه نظري بصراحه

عندك حق يا اخ امجد انا مش افضل الانفراد لان فعلا في تجاذب بين البنت والولد ودي فطره عند الانسان