الى ما يعجبهم العجب

في يــوم من الأيــام

قرر "محب" إنه يعزم "حبيبته" على الغدا وياريته ما عمل كده

لإن البنت دى مش عاجبها العجب ولا الصيام فى رجب زى مابيقولو
شوفوا الحوار وأحكموا بنفسكوا>>>>>

"هو": تطلبي إيه؟

"هي": مش عارفة إنت هاتطلب إيه؟

"هو" : أنا هاطلب بيتزا

"هي": ماشي ، وأنا كمان

"هو": طيب

"هي": ولا أقولك ، بلاش

"هو": ليه عاوزه حاجة تانية

"هي": لأ ، مش عارفه

"هو": انتي جعانة

"هي": إممم ، مش عارفه

"هو": يعني إيه مش عارفة ، أكيد الواحد بيعرف هو جعان ولا لأ

"هي": نص نص

"هو": يعني أطلبلك معايا

"هي": لأ

"هو": خلاص

"هي": ولا أقولك ، يمكن أجوع كمان شوية

"هو": خلاص هاطلبلك وعقبال ما يجي الأكل تكوني جوعتي

"هي": طيب أفرض لما يجي الأكل أكون لسه ما جوعتش!

"هو": خلاص ، خلي الأكل قدامك ولما تجوعي إبقي كلي

"هي": ما كده الأكل هايبرد

"هو": خلاص نطلب أكل تاني

"هي": بس كده يبقى تبذير

"هو": نبقى نأخد الاكل البارد معانا تيك أواي ونبقى نأكله بعدين

"هي": طيب إفرض ما كانش ليا نفس للبيتزا بعدين

"هو": خلاص أكلها أنا

"هي": وأنا ما أكلش

"هو": جننتيني ، يعني اطلبلك ولا بلاش

"هي": بلاش احسن

"هو": خلاص أنا هاطلب لنفسي علشان انا جعت جدا

"هي": ماشي

"هي": بس أطلب بيتزا بالتونة
"هو": بس أنا مابحبش البيتزا بالتونة

"هي": بس أنا بحبها

"هو": بس أنا إللى هاكلها

"هي": ما يمكن على ما ييجي الأكل أكون جعت وأكل معاك

"هو": هو أنتي عاوزة تأكلي ولا لأ

"هي": إحتمال

"هو": يعني أنا لازم أطلب بيتزا بالتونة علشان إنتي (إحتمال) تأكلي معايا

"هي": أيوه بالظبط

"هو": طيب لو أنتي جوعتي وأكلتي البيتزا بتاعتي أنا هاكل إيه؟

"هي": ما انا ممكن ما أكلش أصلا معاك

"هو": رحمتك يا رب

"هي": مالك فيه إيه ؟؟

"هو": يعني دلوقتي لو أنتي ما أكلتيش ، أنا هاكل بيتزا مش بحبها

"هي": يعني أنت تاكل و أنا ما أكلش؟


هههههههههههههههههههه

انا بجد لما قريتها تعبت من كتر رخامتها
انتوا رأيك ايه ؟؟؟؟؟؟؟؟؟؟؟ظ
__________________

بص يابنى انا ضغطى ارتفع اول ماقريته وشديت فى شعرى منها انا لو منه اطلب البيتزا اللى هى بتقولى عليها وارميها فى وشها البسها الطبق يعنى وبعدين احطلها الدبله فى الطبق واسبها تحاسب واروح ادفن نفسى مافيش حلول غير كده

لا هى رخمه اوى
وهو الغلطان لانه خطبها من الاول
دى تجيب السكر والضغط

يعنى يا محمد هما يتعزموا على الاكل والناس تجوع هنا,,,,,,,,,,,,,,,,بس دى عايزه تاكل بس خايفه من البرستيج...........

لكن بعد الجواز ممكن تاكل المطعم وممكن تاكلك انت كمان ده اذا انت وافقت تخرج معها........

يا جماعه انا مقصدش حاجه.هههههههههههههههههه

[بصراحه يستاهل لانه هو اللى سكتلها من الاول هى كلمه واحده تاكلى ولا لا وهى الكلمه الاولى تطلع وخلاص مش نقصاها والله ايه البت دى مش بالتونه علشان لو اكلت عنها ما اكلت هى هتتشرط عليه كمان مين دى اصلا هههههههههههههههههههههه خطبته ولا تسوى ويعزمها ليه اصلا لما هى اتمه كده نصيحه ميكملشى معاها دى هتتعبه اوى على ايه يعنى العرايس كتيره والحمد الله

جاااااااااااااااااااااااااااامد جااااااااااااااااااااااااامد بجد.......
ايوه كده ورينا ابداعاتك يا برنس...........والله برنس

بصراحه كده هى عندها حق مش لازم تشله شويه قبل ما يشلهل هو بعد الجواز