1/انت ليه مش بتمسك ايدى واحنا ماشين فى الشارع!
*لا بلاش ...افرضى حد من قرايبك شافنا!ولا واحد من اصحاب اخوكى فى الكليه ان شاء الله ياحبيبتى بكره نتخطب وامسك ايديكى ادام الدنيا كلها.
2-انت ليه مش بتمسك ايدى واحنا ماشين فى الشارع!
*علشان مش عاوز حد يفتكر اننا علشان اتخطبنا هنصيع بقى ونعيش حياتنا...وبعدين بصراحه كده انا مستحرم...ان شاء الله بكره نتجوز وامسك ايدك وانتى مراتى حبيبتى فى الحلال.
3-انت ليه مش بتمسك ايدى واحنا ماشين فى الشارع!
*يا حبيبتى احنا مش مراهقين بقى هنمسك ايد بعض فى الشارع وكده...احنا اتنين متجوزين ومحترمين وعندنا بيت نعمل فيه الى عاوزين نعمله.
4-انت ليه مش بتمسك ايدى واحنا ماشين فى الشارع!
*يعنى امسك ايدك ولا امسك ايد البنت ولا اشيل الاكياس دى كلها.
5-انت ليه مش بتمسك ايدى واحنا ماشين فى الشارع!
*ايدك ايه بس الى همسكها دلوقتى!!انتى عاوزه جوز بنتك يقول علينا كبرنا وخرفنا هاه.
الرئيسية 
