هل تحزن عند وفاه من خانك ؟

(هل تحزن عند موت من خانكـ ؟!!..


كان هنا معك يوما ما .. بادلته المشاعر
ربما اعتبرته صديق !!
أو حبيب !!
أو حتى أخ !!
أمنته أسرارك .. شكوت له حزنك
وفجأة.........
وبلا مقدمات
يطعنك في ظهرك في لحظة عناقــ
فيرحل
إلى أين ؟؟
ليكمل طعنته .. ينثر أشواك جريمته على الآخرين
ليغرز بقلوبهم حقد تجاهك .. يشوه سمعتك عند من يحبوك
يبعد عنك أحبابك ،، يبث رائحة أسرارك في كل مكان
ثم يختفي من حياتك
تاركا ورائه جرح عميـــــق ينزف !! ودرس لن يمحى من الذاكرة
ولربما زرع في قلبك .. دعوة لرد الجرح بجرح آخر أو الانتقام !!
أقسمت أنك لن تسامحه أبدا ولن تنسى !!

تمر السنون .................
لا لن يرجع ذلك الشخص ....
بل ياتيك أحدهم بخبر موته !!!!


كيف ستكون ردة فعلك ؟

وهـــــل
- هذا الخبر ينسيك الماضي ؟ << كيف وحاضرك هدمه ماضيك !! -
تتأثر لموته ولكن لا تبكي ؟ << هل محتويات درسه كانت القساوة !! -
تغرق الديار دموعا على فرقاه ؟؟ << هل هذا يعني أنك عدت لسذاجتك التي لقبت بها بعد طعنه لك !!
-

تسامحه وتعفو عنه >>" كيف وانت فقدت بسببه الكثير " !!
أم تقول
مـــــــــات الشر !!



هي دعوة للمصارحة فلنفرض اننا عشنا مثل هذه اللحظة ونجيب....

ارائكم

بجد يا ساره موضوع جميل
انا اكيد هبكى على موته وهبقى زعلانه جدا
افتكر ان مفيش شماته فى الموت ولا المرض
وهسامحه لان لازم اسامحه والطيب احسن
وبكرر ان بجد مواضيعك زى العسل

لو كنت بكيت الليالي بسبه أكيد مش هبقي صافية 100%

شكرا يا ساره على الموضوع الاكثر من رائع ...........

انا من رايى انا ههحزن على فراقه رغم اى شى عمله فيا وهبكى على فراقه ...........

انا الله يغفر الذنوب ويرحم من فى الارض ومن فى السماء . يجى الانسان ومش عايز يغفر لاخوه الانسان مهما ارتكب من اخطاء........... ان الله غفور الرحيم...........

الصراحة لاااااااااااااااااااااااااااااااااااااااااااااااااااااااااااااااا

علشان محدش يفكر ان أنا قلب حجر أنا هزعل عليه علي قد مقدار المعزة

انا هازعل عليه اكيد طبعا بس لازم يكون فى القليل من الزعل منه اصل مفيش حد ملاك

انا طبعا لازم هزعل عليه مهما عمل برده اسمى كنت بحبه بس مع الوقت هنساه والله يرحمه

طبعا ساعتها عمري مهحاول افتكرله اي حاجه وحشه .........وهزعل عليه جدا جدا دامهما ان كان .....كان ف يوم صاحبك او حبيبك................

شكرا يا حماده وبجد عاجبني ردك جدا

اانا شايفه ان كل اللي رد وقال هيسامح لو اتحط في الموقف ده اكيد رايه هيتغير لانه مش حاسس باللي بيمر بالحاجات دي

لا طبعا يا هيام لانه مات خلاص وعند ربنا واذكروا محاسن موتاكم

بصراحه سؤال جميل جداااااا يا سارة وانا انى اكيد هزعل علية جداااا كمان لانه مات خلاص لكن بالنسبه اللى عمله فانا ممكن اصلح اللى قاله للناس

انا لو كنت حبيته وحبيته من قلبى عمرى ما اكره عمرى ما هما عمل فيا واكيد لو فارقنى هزعل لان قلبى او حتى جزء من قلبى هيكون مات معاه ومش هيرجع تانى

بس ربنا ما يكتبها على حد لان فراق الحباب لو انتهى بموت حد فيهم بيبقى صعب موووووووووووووووت بجد يعنى موته بالنسبه ليا موتة ليا هحس انى مت

أنا شخصيآ أكيد هاحزن


اللي يحب ما اظنش انه ممكن يكره


و اذا كره يبقى استحالة حب الشخص دة حب حقيقي

بل ممكن يكون غفوة لا غير



و اللي ما يزعلش على حد مات و يكون عارفه مسبقآ أكيد بيكرهه



و للأسف الجرح و الألم في إن الإنسان يبقى ضعيف و مش قادر يتعامل مع حبيبه

و يثأر من حبيبه على ما سلب منه من مشاعر و عاطفة


من الآخر يا جماعة




























































الحب بهدلة

فعلا الحب بهدله سواء عايش سواء ميت

أعتقد إن ردى نفس رد أمجد وأحب أضيف إنى لو لسه بحب هذه إلإنسانه بجد ممكن أموت من الحزن عليها وأنا مبكرهش حد أساسا

لقد اثبتت التقارير والبحوث الجنائية والمعملية

انه ليس هناك طالب من طلاب الفرقة الاولى شعبة تكنولوجيا التعليم فتح مادة اللغة العربية

لان انا قريت العبارة دى فى كتاب مادة اللغة العربية(حيث مرت على الرسول صلى الله عليه وسلم جنازة فقام لها واقفا فقيل له:يارسول الله انها جنازة يهوديا )

فقال :أليست نفسا

شوفوا بقى دة يهودى مش واحد خاننى اكيد انتوا عرفتوا ردى ايه

تلاقيكوا اول ما قريتوا الرد قولتوا مين اللى جاية ترد فى موضوع تانى دى اكيد غلطت فى العنوان

وميرسى كتير ليكى على الموضوع ودائما الى الامام بمواضيعك الهادفة