da3wa

ازيكم يا جماعة
عاملين ايه
عساكم بخيرو و سعادة في مصر النهاردة
طبعآ الدراسة اتاجلت أسبوع كمان
أنا بس باطلب من سيادتكم اننا أول يوم في الترم الثاني نحدد دقيقة نقفها حداد على أرواح الشهداء الأبطال اللي ماتوا علشان أنا أعيش و حضرتك تعيش و حضرتك تعيشي
ان شاء الله نحدد الدقيقة دي يومها باذن الله و في وقت يكون موجود فيه اكبرعدد في الكلية في وقت واحد
طبعآ انا اللي هايقرأ موضوعي دة دلوقتي اتنين أو تلاتة من الكلية
أنا أستأذن سيادتكم ان بالقدر الممكن و على قدر احترامك لأرواح الشهداء ان كل واحد أو واحدة يحاول انه يظبًط مع اصحابه عالميل أو الموبايل أو لما تتقابلوا ان شاء الله اول يوم في الدراسة
و على فكرة الدقيقة الحداد دي مش على الشهداء .. لأ ... دي على انفسنا - دي مش هاتزودهم حاجة - بسدي هاتعرفنا يعني ايه وطنية
يعني ايه جنون الوطنية - و دي صعب ان يحس بيها اي حد ما شاركش في نهضة بلده و لو حتى بالكلمة فهي مشاركة
دي بتزرع فينا الاحترام -و دة أهم عناصر مصر النهاردة
نحترمهم زي ما المتحدث الرسمي باسم المجلس الأعلى للقوات المسلحة و مساعد وزير الدفاع اللي وقف على المنصة و انقطع عن الكلام و حط الورق اللي في ايده على المنصة علشان يمنح أولئك الشهداء تعظيم سلام عسكري باسم المجلس الأعلى للقوات المسلحة بصفته المتحدث الرسمي له
أرجو التعاون و محاولة نشر الاتفاق بينكم و بين بعض علشان ننفذه ان شاء الله في الكلية
و مش كل واحد يبقى دايمآ تابع و يستنى التاني اما يبدأ بالمشاركة أو الكلام
لا -- كلنا قادة - طبعآ مش هاينفع آجي أنا مثلآ أول يوم و هالف اقول لواحد واحد و واحدة واحدة
لأ - كله ان شاء الله يتعاون




معلش يا جماعة - أنا ما باعرفش أختصر الكلام
دايمى باقرً


حفظ الله مصر و ابناء الوطن

فداعة الرحمن

و السلام عليكم و رحمة الله و بركاته

المفروض نقف دقيقه حداد علي روح مصر اللي خلاص خلصت البقاء لله في كرامه مصر وحسبي الله ونعم الوكيل ويارب تقوم بالسلامه يا ريس وتخرص كل المنافقين

لسة بتقولوا الكلام دة
بصوا يا جماعة - اذا حطينا نصب اعيننا كل الأسباب اللي ممكن تخلينا نتشاءم من اللي حصل - اقل حاجة نفكر فيها - اننا عمرنا ما هانبق اوحش من الأول

يا جماعة طاب ما كل المفكرين و السياسيين و الإعلاميين المحترمين من لدى الشعب بيأيدوا الثورة و في غاية سعادتهم







و الناس دي مش بتخدعنا و لا بتاكل بعقلنا حلاوة
و لا بتستفزنا زي مانتوا بتستفزوني و تخلوني دايمآ أتكلم كتير في الموضوع دة


و فعلآ مصالحهم انهم يدخلوا مصر - أوباما يعني
بس دة مش معناه اننا نمشي عكس اعلاناتهم و خلاص

و اللي شاهد امناظرة اللي بين محمد دياب و عمرو مصطفى في برنامج مصر النهاردة - هايقدر يوزن النقطة دي ان شاء الله

طبعا هنوقف مش بس دقيقة

بس اعوا بس نرجع الكلية الاول؟؟؟؟؟؟؟؟؟؟؟؟؟

والنبي بلاش الفلسفه دي في دقيقه واحده 85مليون بقوا بيفهموا في السياسه كلنا خلاص بقينا علامه احنا لو دورنا ورا كل واحد من اللي بيقولوا انهم حاسيين بينا هتلاقيه معاه ملايين وزعلانين ان مبارك معاه 70 مليار علي فرض ان الرقم صحيح ده رئيس جمهوريه وخدم بلده 60 سنه من عمره واتحمل مسؤليه 85مليون واحد النهارده الواحد مش قادر يتحمل مسؤليه نفسه وبعدين الريس عمل حاجات كتير جدا حلوه انتم فاكرين انه سهل علي واحد خدم بلده السنين دي كلها وفي الاخر شعبه يقوله ارحل مش سهل ابدا ان حد يتحمل الضغط العصبي ده واحد عنده83سنه يعني قبل ما اهالينا يعرفوا بعضهم كان هو في الحرب ودلوقت لو جه وقت الخدمه العسكريه لواحد بيدور علي اي طريقهعشان ياخد اعفي انا عايشه وانتم عايشيين وصدقوني مش هييجي واحد يحب بلده زي سياده الرئيس محمد حسني مبارك يا رب يقوم بالسلامه وفي الاخر ربنا اللي هيحاسبه والتاريخ هو اللي هيحكم عليه

سيدتي خلود

انت حزب وطني

دسيسة!!!!!!!!


ياااااااااا جماعة - مالناش دعوة باللي بيؤيدوا الثورة و معاهم ملايين

احنا لينا وجهة نظرنا الشخصية


الأب الكريم الحنين مبارك
أصدر قرار الأحد قبل الماضي إلى الجيش الثالث بالقوات المسلحة
بتحريك طيارات F 16 و ضرب ميدان التحرير
و تحريك الدبابات لفض ميدان التحرير و إن وصل الأمر سحق المواطنين
الأمر كان موجه للضباط الصغار مباشرة دون تمريره على كبار قادة الجيش و المسؤلين عن القضية - مما دفع المجلس الأعلى للقوات المسلحة انه يقول لمبارك
بااااااااااس كفاية كدة
و هاتف السيد المتحدث باسم المجلس الأعلى للقوات المسلحة الرئيس مبارك
و قاله لا تجبر المجلس على القيام بانقلاب رسمي من لدى الجيش


أرجو التفاؤل PLZ

ابتسموا أرجوكم

على فكرة طول ما فيه مؤيديون و معارضون يبقى كدة احنا في السليم
علشان لو المؤيد غفل عن شيئ المعارض المترقب يظهر مواطن الخطأ

الفيديو دة كنا بنعرضه منذ أول الثورة
مش هاعلق عليه - لأنه بيشرح نفسه - بس يتشاف كامل

والله انت بقيت من المخابرات خلاص انا عمري ماكنت حزب وطني ومن اكبر المعارضين له وبعدين كل واحد يدور علي حاله قبل ما يدور ورا الناس وكل اللي هتيجي عليه تهمه دلوقت هيرميها علي سياده الزعيم والقائد الرئيس مبارك وطظ في كل اللي بيشتم فيه ومش خايفه دلوقت اللي عاوز يكسب يشجع الثوره اللي ملهمش في حاجه بيشجعوا الثوره واحنا اكيد معاهم بس بالادب مش بقله الادب وان واحد ولا واحده ملهاش لازمه في الحياه يشتموا الريس ميهمناش لانهم ملهمش لازمه اصلا انا عمري ما اعترضت علي الثوره انا بكره الكدب والنفاق وركوب الموجه اللي تقريبا نص الشعب بيعملوه ومش عشان كلامي معارض لحضرتك ابقي دسيسه وعلي العموم انا هخرج من المنتدي نهائيا لو حضرتك مش قادر تتقبل الراي الاخر

ايه دة - في ايه !!!
كنت باهزر -

كنت اتمنى ان الموضوع يعني يكون فيه هات و خد - بس يظهر المبدا دة مرفوض تمامآ - أتمنى اني اكون دايمآ باتكلم بأسلوب مقبول
و أنا عمري ما رفضت راي ابدآ - لكن الحوار دة بيبقى غرضه إقناع أحد الأطراف برؤية الطرف الآخر

- مع اني مش عايز اتكلم تاني في الموضوع دة بس مجبر اني أعلق على حاجة
السيد عمر سليمان معترف بأنه هو و مبارك هم المسؤلين عن البلطجية اللي مدسوسين في وسط التحرير و عمالين يدمروا و يخربوا و عاملين نفسهم من معارضي الحزب الوطني
- و فعلآ في ناس كتير جدآ جدآ راكبين الموجة و بشكل مستفز
و أنا مع حضرتك في ان ماينفعش حد يشتم الريس

بس الموضوع كان محتاج صدر رحب أكتر من كدة شوية

و لو كاتب الموضوع هو اللي بيضايق أوي - أستقيل أنا و امشي

اختلاف الرأي لا يفسد للود قضية
عادي - انا مش عارف حضرتك متضايقة و محتدة ليه

بس أنا سعيد بمشاركات حضرتك في الموضوع و الله
و باحلف

و شكرآ لكل من شارك في الموضوع