- اقتباس :
- فهل تخفف عن آلامها ويمكن انت مصدر احزانها؟؟
ام تبتعد لتبكي بحرقه عما يختلج في صدرك؟؟
ام توقف امامها حائرا خاضعا لهذا الامر
أختي تقى .. جزاك الله كل خير و ربنا يجعله في ميزان حسناتك ليوم الدين
اللهم آمين
الحقيقة جايز أكون شخصيآ بالجأ للثلاث ملاجئ دول
و مش عارف دة عيب و لا ميزة فيا
إني أمام ابويا و أمي من كتر حبي ليهم بتبقى دمعتي قريبة أوي
و البكاء دة شيئ جميل جدآ
ما ننظرش إليه على إنه ضعف او نقص في الشخصية
لا و الله ... إطلاقآ
البكاء دة له متعته ...
بالنسبة لأمي و أبويا ... أبويا بنى بيت جديد و أخواتي انتقلوا إليه
و أنا الوحيد اللي قاعد مع امي في البيت القديم
ففي عدم وجودي في المنزل تكون وحيدة تمامآ
ففي ليلة من الليالي عدت حوالي 2 صباحآ
فوجئت بها تبكي ........... قلت مــــــــــــــــــــــــــــــــــــــالك يا أمي ؟
قالت مفيش ...... أنا بس حاسة بالوحدة
و دي فعلآ مزقتني من جوايا و حسيت بتفاهتي و انا سهران و باتسلى مع أصحابي
و سايب
أولى الناس بيا وحيدة في قلعة صماء بين اربعة جدران
دمعة أمك دي ممكن تكون بتستهين بيها او بتقول : هي اللي تاعبة نفسها و شاغلة بالها
انت بتتهرب ؟؟؟؟؟؟؟؟؟؟؟
انت لو جيت تراجع نفسك هاتلاقيك بتعمل كتيـــــــــــــــــــــــــــر اوي علشان ترضي صاحبك
و ما تزعلوش أو عشان تطلع شهم قدام زميلتك في الجامعة
طاب و بعدين ..... بالله عليك من أولى بذلك !!!!!!!!!!!!!!!!!!!
صاحبك اللي في الشارع ..... و لا اولى الناس بحسن صحابتك !
أمك
ثم
أمك
ثم
أمك
ثم
أبوك
و الله انا مجرد ما باشوف أبويا ذي الأربعة و السبعين عامآ في الشارع و هو يسير وسط الناس باحس بقرب نزول دمعتي
من كتر حبي ليه و خوفي عليه و شعوري باستحالة الحياة بدونه ..
أسألكم جميعآ الدعاء لوالديّ بالمغفرة و حسن الخاتمة
و خاف أوي من دمعة أمك
أعتذر على الإطالة و ألتمس من جميع من يقرأون أن يغتنموا وجود أبويهم و يطيعوهم
حتى و إن كانوا على غير صواب في وجهة نظرك
استحملهم يا سيدي و جاهد فيهم و أجرك أكبر من اللي جاهد في معركة
أقسم بالله ما حاتحس بقيمتهم فعلآ و افتقارك ليهم إلا لما هاتلاقيهم راحوا
و مفيش بديل
و يا للأسف علينا جميعآ على ما نرده لهم الآن من جميل
الرئيسية 
