واحد من الناس

واحد من الناس



As other man






غاضبون وغاضبات :

وقفوا حولى ........ وكانت هذة كلماتهم :
اذا عبرنا عن راينا يقولوا علينا اننا عيال دماغنا لاسعة
اذا لم نتكلم يقولون اننا عيال مخهم فاضى ماسح
اذا لبست مثل البنات ملابس ضيقة شوية يعملوا لنا موقع على الفيس بوك face book ويطلقوا حملة باسم ( الحملة الشعبية لتوسيع بنطلونات البنات ) ويعملوا شعار للحملة :






يابنت بلدى عيب


لما اللجام هيسيب


فى بنطلون مزنزق


وبلوزة شبر لفوق


ولا واحدة فى الجمباز


ولا عدش عندك ذوق



اما اذا لم البس مثل البنات اصبح بنت مسترجلة او اولد فاشون Old fashion اذا لبست بنطلون ساقط يقولوا انها اساسا بنطلونات المساجين فى السجون الامريكية لانهم لا يلبسون احزمة حتى لا يحاولوا الانتحار بها او ضرب زملائهم بها وان هذة البنطلونات لها تاثير سئ على الاطفال واذا لبست بنطلونات عادية ابقى عيل شلل خنقة
لو ضربت جيل وعملت شعرى سبايكى ولبست تى شيرت علية ترتر وسلسلة جنزير وساعة يد كبيرة وحظاظة يقولوا علىّ واد روش طحن والمعنى على فكرة ليس ظريف فالروش فى المعجم الوجيز هو خفيف العقل واذا لم افعل فانا حاجة فقع
اذا لبست حذاء بليرينا ابقى بنت روشة واذا لم البس ابقى بنت عقد وكلاكيع





نسمع لمين بالضبط ؟




بصراحة احنا جيل بنحاول نعبر عن انفسنا احنا زى ما بيقولوا علينا اننا جيل عيش النهاردة دا شعار الشباب فى كل الدنيا بنحتفل باى فرصة تيجى فى سكتنا باى شكل وبكل طريقة احنا جيل اللى بيعبر بطريقتة ........ عبر عن احساسك ....... عبر عن نفسك عير مين قدك !
احنا جيل البلوتس Blue tooth شباب الدوان لود Download وبصراحة اكثر احنا مش بنحب نصايح ولا بنحب الكلام المجعلص وبصراحة اكثر واكثر لما بنسمع واحد بيتكلم معنا بالطريقة دى بننفض لة وطبعا انت عارف حركة التنفيض او بمعنى اصح بنكبر
احنا بنقضيها مش علشان دماغنا لاسعة او فاضية احنا بنعبر عن نفسنا بس بطريقتنا ومش لاقيين حد يفهمنا ويحس بينا احنا مش محتاجين حد يشكلنا زى ما هو عاوز سيبك من شعارات الشباب جيل المستقبل وهما امل بكرة كلها شعارات احنا مالناش دور فيها مجرد ديكورات جثث فوق دكك الكنيسة حاضرين علشان يتعمل قدامنا علامة صح




__________________

والله عندك حق والكلام كله صح وبجد موضوع رائع
مشكوره

thanxs snow white

جميل كتير يا ساره وفعلا صحيح

ميرسي يا هدوره يا عسوله

عندك حق والله يا سارة

مساء الخير























تحية كبيرة جدآ على الموضوع و أتمنى ان الكل ينشط بإبداء آرائه

و جزاكم الله خيرآ

هههههههههههههههههههههه حلوة اوي الصور دي يا امجد

أنا إتخضت جدا من اول صورة يأمجد حرام؟؟؟؟؟؟

عو


احم .. أعتذر عن مداخلاتي دايمآ بصور تفسد حلاوة المواضيع