انصحونى وادعولى

أولا:-مفيش حد يقول عليا معقدة أو مش طبيعية
أنا بخاصم أصحابى كتير أوى
وبتخنق من الناس بسرعة مع إن أنا والله عمرى ما كرهت حد
والموضوع ده بيسببلى مشاكل نفسية
حاولت كتير أغير من نفسى بس مش عارفة خالص
أعمل إيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أرجو الرد

لأ يا تقى المفروض تتغيرى داأنا ما بخصمش حد ولو زعلت من حد بكلمه على طول ونضحك ونهظر ايه يابنتى خدى كل حاجه ايزى وربنا معاكى انت لازم تروحى تصالحى كل اصحابك وتهظروا وتضحكوا مع بعض .......اوكى خدى بنصحتى

[سبحان الله يا تقى انتى عكسى تماما انا عمرى مابزعل من حد خاااااااااااااااااااااااااااالص والحمد الله محدش بيزعل منى انا بكبر دماغى و كل حاجه باخدها عادى مع ان فى ناس كتير بتقول ان ده عيب فيا علشان ساعات بيحصل مواقف بصراحه المفروض اخد موقف فيها بس انا برده بكبر اولا علشان مش ازعل نفسى واتعب نفسى زى ما انتى تعبانه وخنوقه كده وعلشان الدنيا مش مستهله خالص كل ده بجد اللى يقدر يفوت ويكبر دماغه يكبر وخليكى انتى الكبيره زى ما بيقولوه مع انا بصراحه فى ناس كتيره بتقول ان دى ضعف شخصيه وفى ناس بتستغل الحكايه دى وبتزعلك بقى براحتها بس والله هى مش ضعف شخصيه خالص لانى انا اقدر ازعل بس هى اصلا قوه شخصيه انك مش تزعلى من حد نصيحه لو حد زعللك افتكريلوه اى حاجه حلوه وانتى هتنسى الزعل ده ومش تفكرى فيه خالص احسن لك نفسيا وصحيا وهتلاقى الناس كلها بتحبك وبتشكر فيكى وشكراااااااااااااااااااااااااااااااااااا وانا اسفه انى طولت عليكم

لا مينفعش وبعدين احنا ديننا دين التسامح ولا يجوز ان تخاصم شهر فوق الثلاث ايام

يجب ان تتغيرى وتغيرى من نفسك وان شاء الله تكون افضل

خير كم من يبدأ بالصلح
وذى ما قال أحمد حرام الخصام يزيد عن 3أيام حتى لو كان الطرف التانى هو إل غلطان صلحيه ومتركبيش دماغك بالعناد دا حيحسسه بأنه صغير
وعلى العموم أنا زى نور مبزعلش من حد خالص ولو حد زعلان منى بكلمه ولا كأن حاجه حصلت وعشان كده الكل إتعود إنه مينفعش يزعل منى أو يخاصمنى خالص ودى ميزه حلوه قوى

معلش يا تقى حولى تصلحى من نفسك وشوفى ايه اللى بيضايق الناس واصحابك وحولى الا تفعليه لان مينفعش البعد عن الناس لان الجنة من غير ناس ما تنداس فكرى تانى وثالث وعاشر

على فكره انا انسان بضحك كتير بس عصبى ......بس بشهاده اصحابي انا بحب اخد كل المواضيع بسلاسه
انا هكلمك بصراحه انا عندى حاله نفسيه انا معترف بيها (على فكره الحاله النفسيه بمعنى ان انا بيضايق من شىء بيتعمل ادامى بصفه مستمره وبزعل منه ومبقدرش اواجهه....دى الحاله النفسيه)....
انصحك تمام النصح عشان تستريحي بجد تجنبي تمام الاجتناب من اى شىء بيزعلك......ولكن انا مبقولش الكلامده قصدى انك تزعلى حد منك لالالالالالا بس تتفادى اى شىء بيزعلك وبتديقي منه...
والله والله والله والله والله الحياه مش مستهله كل ده تسمحيلى اقول ليه ؟؟؟ عشان انتى لسه مشفتيش اى حاجه تزعل بجد من الدنيا الا قليلا.......
لا يوجد انسان لا يعنى من حاله نفسيه(اى شىء بيتضايق منه)...........

انا مش هزود اى كلمه عن اللى قالوه كل صحابى خير ان الحياه ابسط من كده بكتير انا بيقولولى انى ياما برده ياما شخصيتى قويه لانى مابحبش ازعل من حد نهائى بالذات صحابى بس كل حاجه وليها حدود ياجماعه انا لما اقرب الناس ليا باعونى فى لحظه والله العظيم بيتمنونى دلوقتى بالدموع بس لانا عمرى ماارجع والا اشترى حد باعنى ولو للحظه واحده بس وعايشه حياتى الحمد لله فى منتهى الجمال وبدور ع سعادتى دايما وربنا موافقنى الحمد لله وقدرت اعدى الازمه بس هما لسه ومش هيقدروا طول ماهما حاسين بالذنب فامتحسسيش نفسك بالذنب تجاه ناس انتى فى ايدك لاتزعلى والا تزعليهم منك

ا اية يا تقى الكلام الفاضي يعني اية بتتخنقي من كل الناس هو دة ينفع الحالة اللي انتي فيها دي انتي لازم تغيريها بسرعة لانك لو فضلتي كدة هتتعبي في حياتك بعد كدة وعلشان لازم تتعودي انك تحبي كل الناس وتتكلمي مع كل الناس ومتخليش حد يتخنق منك او يزعل منك وحاولي تتقربي لاصحابك اللي انتي بتحبيهم وتتكلمي معاهم ومتزعليش لو لاقيتي اي حد من اصحابك اللي انتي بتحبيهم مقدرش يفهمك بسرعة لان دة لانك متغيرة في التعامل معاهم فانتي لو بتتعاملي معاهم على شكل واحد صدقيني هتلاقي ناس كتير فهمتك بسرعة بس دة مش معناة انك تكوني ضعيفة الشخصية لانك كدة هتتخمي بسرعة بس لكل حاجة حدود

ولا تعملى اى حاجة خالص كونى طبيعية وفى حالتك العادية جدا اكيد كل انسان بيبقى فى اشخاص معينة تفهمة

لا تبكى على صاحب فانة كالعطر النفيث ولكن ابحث عن صديق يجعلك لة خير جليس

مرسى جدا ع رأيك عجبنى اوى

شكرا ليكى اوى بس انا نفسى اعرف الحزن الى انتى فية دة حزن لحاجة ولا دة حب ف الحزن اصل فى ناس بتموت فى الحزن اوى

يا تؤتؤ يا حبيبتى انتى زى العسل واكيد انتى اتأكدتى ان فى ناس كتير بتحبك وبتفهمك لما اتكلمت معاكى يعنى انتى مفكيش حاجة وحشة وطبيعية وزى الفل انتى زينا كلنا كل واحد بيجيله فترة وبيضايق ومش بيبقى عارف ليه

مرسى يا حنون يا حبيبتى وربنا يخليكى ليا وحشتينى اوى

ربنا يخليكى يا تؤتؤه انتى كمان وحشتينى اوووووووووى