موضوع الساعة

ايه رايكم ياجماعة تكتبوا رايكم ف الاوضاع الحالية خلال المظاهرات الحالية

مين ال مؤيد للمظاهرات ؟؟؟؟وليه؟؟؟؟؟؟؟؟؟؟


ومين المعارض؟؟؟؟؟؟؟؟؟وليه؟؟؟؟؟؟؟؟؟؟؟؟؟

ياريت تكتبولي ردوكم وكيفية تحقيقكم لأهدافكم ؟؟؟؟؟؟؟؟؟؟؟؟

مؤيد مؤيد مؤيد


لازم نصمد و نفضل واقفين

نتعب شوية و نضحي شوية


جايز لو مش علشان نفسنا

علشان ولادنا و مستقبلهم


مش نفسكم تعيشوا فيمستوى الدول الوروبية في جميع المجالات
مع الاحتفاظ بالديانة الإسلامية بدلآ من الهروب للعيش في تلك البلاد





الناس زهقت

ناس عايشة بقالها 40 و 50 سنة و ما شافوش في شبابهم و لا رشدهم غير شوية استعباط و استهبال

كلل الللي بيذكروه في مبارك من انجازات انجزها ليست إلا انه
جنى ثمار ، زرع السادات بذورها و نادى مبارك ليحميها

لأنه لم بكن بعرف ان مستقبلآ حاميها سيصبح حراميها



لو له جوابا ذرة احترام هاخليهاله بس علشان هو رجل كبير

و انه عزيز

( ارحموا عزيز قوم ذل )

لو الناس المعارضة فيالتحرير و فيجميع المحافظات دي روحت بيوتها
هاينشر ألاضيشه و يمسك البلد مسكة منيلة
و مش هايخلي حد يعرف ياخد نفسه و لا يخرج من بيته
و لا هايخلي 10 افراد يعرفوا يتلموا على بعض
و هايمسك الاعلام مسكة برضه منيلة
و هايمسك القادة الثوريين الشرفاء متلبسين
بجرائم بلطجة و خيانه للوطن و انهم مؤتجرين
و هايهرينا في وسايل الإعلام نماذج للمؤيدين - اللي هم في حقيقة الامر خونة لبلدهم - و يقول هو دة الشعب الحقيقي
و يقول خلاص هاعمل ايه - مضطر أفضل قاعد - دة الشعب الحقيقي عايزني



- مع اني كنت ناوي ارحل ، بكل صدق و إخلاص
و لن أسمح للخارجين عن القانون ب 0000 أبدآ

و لن اتهاون في حق البلاد


و العنب العنب العنب


هي دي رؤيتي لمبارك و وضعه


و كل اللي بيؤيدوا مبارك سواء في المظتهرات او في وسائل الإعلام
منهم مؤتجر و منهم من هو لا يدري بحال البلاد
يعيش حياة لذيذة و يصرف ببزخ
لكنه لم يعلم ان اكثر من 41% من الشعب تحت خط الفقر بالفعل


سيدة تتصل و تؤيد مبارك و تبكي لرحيله و تقول
دة احن كنا عايشين زي الفل
ابني ظابط شرطة و التاني ظابط جيش و بنتي مذيعة و جوزها صحفي في الأهرام ،،،،،، - طبعآ دي واحدة مش دارية بالدنيا - شايفاها بمبي

و واحد بيقول انا في عهد السادات كان عندي جلبية واحدة - دلوقتي عندي 10 جلاليب - انسان - معلش في اللفظ - متخلف - هو مقتنع فعلآ بذلك ان مبارك دة جميل و مفيش زيه - مايعرفش ان نصيبه في البلد دي شقة و عربية و وظيفة كويسة و احترام في جميع الهيئات الوطنية و اشراف على حقوقه في البلد على ممتلكات الدولة و ذلك عن طريق المجالس النيابية و حقه في المشاركة في اختيار القوانين و تحديد مواد و نصوص مواد الدستور ، و أيها يكون فعل ، و متى يكون فعال -



و المادة 76 و 77 و غيرها اللي الباشا الكبير مدُي لنفسه فيهم الحقوق :
هو رئيس اعلى لمجلسي الشعب و الشورى و لا يتم اي قرار فيهما غلا باذنه
هو القائد الأعلى للقوات المسلحة زي شرحها
هو الرئيس الأعلى للحكومة و الحكومة ماتقدرش تتخذ اي قرار دون موافقته
هو هو هو


عامل نفسه رئيس لكل وحدة من وحدات البلد و عامل عبيط

أنا قرار اوي معلش

بس صدقوني اللي من جواه مقتنع بإن الخير في انصراف مظاهرات المعارضة و بقاء مبارك مؤقت او دائم - أرجوه ان يعيد التفكير في وجهة نظره



معلش طولت عليكم



في رعاية الله

لا عادي يأمجد و شكرا ع كلامك